Walther Nernst
Walter Hermann Nernst (Briesen, 1864ko ekainaren 25a - Ober-Zibelle, 1941eko azaroaren 18a) Alemaniar fisikaria izan zen.
Kimika-fisika modernoaren sortzaileetako bat da. Kimikako Nobel saria eman zioten 1920. urtean, termodinamikaren hirugarren printzipioa azaltzeagatik. Lanpara goria sortu zuen; Voltaren pilari buruzko teoria bat eman zuen; eta erreakzio-lastertasuna, gasen disoziazioa eta banaketa-legea aztertu zituen.
Erreferentziak
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.