Wikipedia:Bozketak/Jentilizioen ordena

Gaia

Lorategi ingeles artikuluko eztabaidan, jentilizioen ordenari buruzko eztabaida piztu da. Honen ildora, Xabier Armendaritz lankideak honakoa proposatu Wikipediako politika ofizial bihurtzeko:

Euskalki guztietan gaur arte izan den erabilera egingo dugu Wikipedian ere:

• Arau orokor gisa, izenaren ezkerrean jarriko dugu jentilizioa: frantses haizea, ingeles jendea, nafar idazlea, Dominikar Errepublika, eta abar.

• Salbuespen gisa, eskuinean jarriko dugu bi kasu hauetan:

1. Pertsona izenen ondoan: Pedro azpeitiarra, Gorvatxov errusiarra, Jordaens flandestarra, Maritxu sunbildarra.
2. Izenak ezkerrean osagarri askotxo duenean: makina bat margolan eder egin duen Donostiara ezkondutako pintore estatubatuarra.

Lagungarri

Botoa emateko, kontuan izan Lorategi ingeles artikuluko eztabaidan bertan eta Wikipedia:Txokoa/2009ko_uztaila#Egutegiak atalean emandako arrazoi eta iritziak.

Lankidea

Josugoni lankideak proposatua.

Iraupena

Astebete: 2010eko ekainaren 19etik (larunbata) ekainaren 27ra (larunbata, 24h00)

Bozketa

Alde

Aldeko botoak, sinaturik

•  Alde --Orereta (erantzunak) 21:07, 20 Ekaina 2010 (UTC) Honokoa gehituz: nire ustez, izenburuetan batez ere izan behar ginateke "zorrotzak" honekin.
•  Alde --Theklan · · 21:12, 20 Ekaina 2010 (UTC)
•  Alde --Xabier Armendaritz^{(nirekin hizketan egiteko)} 21:25, 20 Ekaina 2010 (UTC)
•  Alde --An13sa ✎ 10:38, 21 Ekaina 2010 (UTC)
•  Alde ---Marklar 17:35, 22 Ekaina 2010 (UTC) Baina bakarrik artikuluen tituluetan. Testuetan erabilera bien aldekoa naiz, biak errespetagarriak dira eta. Adibidez, Berrian, bilaketa sakona egin barik, bi emakume frantziar edo ekintzaile frantziarra erraz aurkitu ditut. Kalean ere erabili erabiltzen dute (dugu). Iratiko Bolizko Dorreko biztanleok euskaldunberrion bekatuak barkatuko dituzuelakoan, ondo izan.

Aurka

Aurkako botoak, sinaturik

Iruzkinak

Oharrak (nahi bada)

• Uste dut iruzkin bat gehitu beharko diogula goiko politikari: Ondoko erdaretan jentilizioa izenlaguntzat erabiltzen duten kasu askotan, euskaraz -ko egitura da berezkoena. Hainbat euskalarik esan dute hori horrela dela, eta Xabier Alderdik estatistikekin frogatu du, euskal corpusak aztertuta.

Adibidez: nahiz eta ondoko erdaretan Policía Española / Police française maiz erabiltzen duten, euskal idazleek ez dute halakorik egiten. Ohikoena Espainiako polizia eta Frantziako polizia da. Euskaraz, jentilizioak gehien-gehienetan izen sintagmaren erdigune dira, ez doaz beste izen bati laguntzen: valentziarrak etorri dira, Veronako italiarrei eman zieten, alemanekin ondo ibili gara, eta abar. --Xabier Armendaritz^{(nirekin hizketan egiteko)} 15:02, 23 Ekaina 2010 (UTC)

Ez dut uste arau edo politika orokortzat har dezakegunik. Termino bakoitzaren arabera erabaki beharrekoa da, nire ustez. --josugoni (erantzun hemen) 16:07, 23 Ekaina 2010 (UTC)

Ados. Testua luzatu eta korapilatzea ere ez da komeni: hobe da arau laburra, ulerterraza eta zehatza izatea. --Xabier Armendaritz^{(nirekin hizketan egiteko)} 16:21, 23 Ekaina 2010 (UTC)

Emaitza

Proposamena onartu egin da eta euskarazko wikipediako politika ofiziala da gaurtik aurrera. Bozketaren emaitza:

Ados	5 boto
Aurka	0 boto

--josugoni (erantzun hemen) 22:10, 26 Ekaina 2010 (UTC)