Wikipedia:Irudien erabilerari buruzko politikak

Wikipedia(e)tik
Hona jo: nabigazioa, Bilatu

Wikipedia askotan bezala, Euskarazko Wikipediako irudi guztiak Wikimedia Commons proiektura igo beharra dago. Halaber, bozketa baten ondorioz, Fair use delako irudiak ezin dira erabili.

Irudiak Wikimedia Commonsera igotzean[aldatu | aldatu iturburu kodea]

  1. Gogoan izan ezazu copyrighta, irudia igotzen duzunean. Beti jarri irudietarako copyright etiketetako bat. Dudatan bazabiltza, ez igo copyrighta duen irudirik.
  2. Azaldu beti, deskribapen orrian, irudia nondik datorren (URLa eta abar). Ez jarri krediturik irudietan bertan.
  3. Erabil ezazu irudien deskribapen orria irudiari berari buruzko informazioa eta copyrightaren egoera adierazteko.
  4. Aukera ezazu izenburu zehatz eta argia. Lehenagotik dagoen irudi baten izen bera duen beste bat igotzen baduzu, azken horrek aurrekoa ordezkatuko luke.
  5. MediaWikik 20 MB-tik gorako tamaina duten irudiak ere onartzen ditu. Dena den, tamainarik egokiena 250 pixelekoa da.
  6. Irudia igo baino lehenago aldatu behar da, gaia bera argiago erakuts dezan.
  7. Testua dakarren irudi bat igotzen baduzu, ahal den neurrian, testurik ez duen beste irudi bat igotzea gomendatzen da. Horrela, beste hizkuntzetako wikipediek errazago izango dute itzulpena.
  8. Erabil ezazu JPEG formatua argazkietarako, eta PNG formatua ikono, logotipo, bandera eta horrelakoetarako. Azken horretan ezin bada, SVG formatua erabil daiteke. Erabil ezazu GIF formatua sareko animazioetarako, eta Ogg edo Theora formatua bideoetarako. Ez erabili BMP formatua, konprimatzen zaila baita eta leku asko behar baitu.
  9. Jar iezaiozu azalpen testu egokia irudi bakoitzari.
  10. Ez erabili eskandalua edo ikara eragingo duen irudirik, irudi horren asmo bakarra artikulura atentzioa erakartzea baldin bada.

Ikus, gainera[aldatu | aldatu iturburu kodea]

Kanpo loturak[aldatu | aldatu iturburu kodea]