Wolfgang Köhler
Wolfgang Köhler (Reval, 1887ko urtarrilaren 21a - Enfield, Estatu Batuak, 1967ko ekainaren 11) alemaniar psikologoa. Berlin eta Princeton hirietako unibertsitateetan irakasle izan ondoren, tximino-antropoideen adimenari buruzko ikerketak egin zituen, eta formaren psikologia edo Gestalt delakoa sortu zuen Koffka eta Wertheimer psikologoekin batera. Obra nagusiak: Intelligenzprüfungen an Menschenaffen (1917, Tximinoen adimena), Die physischem Gestalten in Ruhe und im stationären Zustand (1920, Formaren psikologia atsedenaldietan eta egoera lasaietan), Gestalt Psychology (1929, Formaren psikologia).
Erreferentziak
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/30 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.