Wolfsburg

Wolfsburg
Saxonia Beherea
Izen ofiziala	Wolfsburg
Herrialdea Estatua Barrutia	Alemania Saxonia Beherea Hiri barrutia
Alkatea	Klaus Mohrs (SPD)
Koordenatuak	52°25′23″N 10°47′14″E
Wolfsburg
Eremua	204,02 km2
Garaiera	63 m
Posta kodea	38400–38448
Biztanleria	121.451 bizt. (2010)
Dentsitatea	595,29 bizt./km²
Matrikula	WOB
http://www.wolfsburg.de

Wolfsburg Alemaniako herri bat da, Saxonia Beherea estatuan kokatzen dena, estatuko ekialdean, Saxonia-Anhalt estatuko mugatik gertu. Helmstedt eta Gifhorn barrutiek inguratzen dute. Herriak, 204 kilometro karratutako hedadura du. Bertan, 2010ko azken egunean egindako azken erroldaren arabera, 121.451 biztanle bizi dira.

Geografia

Aller ibaiaren ibilbidean dago herria, itsasoaren mailatik 63 metroko garaierara.

Volkswagen AG lantegia

Historia

1302an jadanik Wolfsburgeko gaztelua aipatzen bada ere, herria bera Naziek sortu zuten 1938ko uztailaren 1ean, Volkswagen enpresako langileak bizi izan zitezen. Stadt des KdF-Wagens bei Fallersleben izena izan zuen hasieran, baina britainiarrek okupatzerakoan gazteluaren Wolfsburg izena ezarri zioten.

50. hamarkadan inmigrazio handia hartu zuen, batez ere italiarrak iritsi zirelarik. Hiria hobeto gobernatzeko 1958an udaletxe berria inauguratu zen.

Ekonomia

Herria, oso ezaguna da bertan Volkswagen auto enpresa sortu zelako. Herrian bertan dago enpresa honen egoitza nagusia.

Ondasun nabarmenak

Hiru gaztelu daude Wolfsburgeko lurretan, hala nola:

• Wolfsburg gaztelua (Schloss Wolfsburg): XIII mendeko gaztelua.
• Neuhaus gaztelua (Burg Neuhaus): XIV mendeko gaztelua.
• Fallersleben gaztelua (Schloss Fallersleben): XVI mendeko gaztelua.

Kirolak

Hiriko futbol taldea VfL Wolfsburg da eta 2009an Alemaniako Bundesliga irabazi zuen. Izotz hockey taldea ere badu, EHC Wolfsburg Grizzly Adams, Alemaniako talderik onenetakoa delarik.

Hiritar ezagunak

• August Heinrich Hoffmann von Fallersleben (1798-1874), poeta eta filologoa
• Sascha Paeth (1970- ), musikaria

Hiri senidetuak

• Luton (Erresuma Batua) (1950)
• Marignane (Okzitania) (1963)
• Pesaro eta Urbinoko probintzia (Italia) (1975)
• Halberstadt (Alemania) (1989)
• Tolyatti (Errusia) (1991)
• Bielsko-Biala (Polonia) (1998)

Ikus, gainera

• Volkswagen AG

Kanpo loturak

• Webgune ofiziala