Xabier Arzalluz
| Xabier Arzalluz Antia | |
 |
|
|
|
|
|---|---|
| 1987 – 2004 | |
| Aurrekoa | Jesus Insausti "Uzturre" |
| Ondorengoa | Josu Jon Imaz |
|
|
|
| Jaiotza | Azkoitia, Gipuzkoa  Euskal Herria |
| Alderdi Politikoa | EAJ |
| Lanbidea | Abokatu eta unibertsitateko irakasle |
Xabier Arzalluz Antia[1] (Azkoitia, 1932ko abuztuaren 24a-) politikari gipuzkoarra izan da. Euzko Alderdi Jeltzalearen militantea gaztetatik eta Euzkadi Buru Batzarreko presidentea izan zen 1980-1984 eta 1987-2004 urteetan.
Bere alderdiaren baitan egondako krisialdirik larrienaren protagonista izan zen, Eusko Alkartasunaren sorrera ahalbidetu zuena. Bestela, karisma handiko buruzagia izan da haren ibilbide osoan zehar, politikari espainiazaleekin ika-mika asko eduki izan dituena.
Eduki-taula |
Heziketa[aldatu]
Jesusen Konpainian sartu zen 1967an, baina hiru urte besterik ez zen barruan egon. Salamancako Unibertsitatean Zuzenbidean eta Filosofian lizentziatu eta ondoren Zuzenbide politikoan espezializatu zen. Hasieran abokatuen bulegoaren lana eta militantzia politiko klandestinoa EAJn bateratu egin zituen, baina azkenean politika hobetsi zuen.
Trantsizioa[aldatu]
Espainiako Trantsizio Demokratikoan paper garrantzitsua eduki zuen bai alderdi jeltzalearen barruan baita Kongresuan ere, izan ere 1977an diputatu izendatu zuten Madrilen, bertatik bertara Konstituzioaren sorrera segitu zuelarik.
Hala ere, bi urte geroago kargu hura laga zuen eta EAJren buruzagitza nagusira iritsi zen 1980an, Carlos Garaikoetxea ordezkatuz.
Banaketa[aldatu]
1984 arte EBBren agintari gorena izan zen, eta tartean Garaikoetxearekin edukitako tira-birak eta barneko arazoak zirela-medio alderdi jeltzalearen barruan historian inoiz izandako krisialdirik sakonena gertatzen ari zen, 1986an alderdi berri bat sortzera ekarri zuena, Eusko Alkartasuna alegia.
Hurrengo urteetan EAJk indarra mantendu zuen batez ere Bizkaian eta Araban, hainbat botoemaile nazionalista Gipuzkoan eta Nafarroan EArantz lerratuz joan ziren bitartean.
Lizarra-Garazi[aldatu]
Alderdi Popularrak Espainian izandako agintaldiak (1996-2004), bereziki bigarren zatian, tentsio handia eragin zuen Euskal Herrian, eta Jose Maria Aznar eta Xabier Arzalluzen arteko ika-mikak ugariak eta famatuak egin ziren.
Giro horren barruan, EAJk hainbat alderdi eta eragilerekin batera Lizarrako Akordioa sinatu zuen 1998an, eta horrek Arzalluzen alderdia eta Ezker Abertzalearen arteko harreman estuagoak erraztu zituen.
2003an Auzitegi Nazionalaren aginduz itxitako "Euskaldunon Egunkaria" kazetaren alde beste hainbat pertsona famaturekin batera eratutako babes taldea osatu du ere bai, besteak beste.
Erreferentziak[aldatu]
- ↑ Abizenak horrela idaztea euskal herritar horren aukera pertsonala da. Izan ere, Euskaltzaindiak, euskara baturako, Artzallus edo Artzalluz onartu ditu deitura horren grafiatzat. Ikus Euskal Onomastikaren Datutegia.
Bibliografia[aldatu]
- "Arzallus: Así fue". Javier Ortiz. Tres Cantos: FOCA, 2005. ISBN 978-84-95440-43-3.
Kanpo loturak[aldatu]
| Aurrekoa Karlos Garaikoetxea |
EBBko presidentea 30px 1980ko urtarrilaren 18a - 1984ko urtarrilaren 18a |
Ondorengoa Roman Sudupe |
| Aurrekoa Jesus Insausti Uzturre |
EBBko presidentea 30px 1987ko urtarrilaren 18a - 2004ko urtarrilaren 18a |
Ondorengoa Josu Jon Imaz |
.jpg){kind=link}