ZZ Ceti

Wikipedia(e)tik
Hona jo: nabigazioa, Bilatu

ZZ Ceti, Ross 548 edo WD 0133-116 bezala ere ezagutua, Cetus konstelazioko nano zuri bat da, gure Eguzki-sistematik 103 argi-urteko distantziara dagoena.

ZZ Ceti nano zuri pultsante bat da, DAV4 espektru motakoa, bere izena, ZZ Ceti izar aldagarriak, daramaten izar aldagarrien eredua. Izar hauetan aldaketak pultsazio ez erradialen ondorio dira, ohi 100 eta 1200 segundoko pultsazio periodoekin. ZZ Cetiren aldagarritasuna 1970ean deskubritu zuten B. M. Laskerrek eta J. E. Hesserrek. HL Tau 76 eta G 44-32rekin batera, garai hartan ezagutzen ziren nano zuri aldagarri bakarrak ziren.

ZZ Cetiren pultsazio espektruan nagusi den energia 213 eta 274 segundoko bi bikotetan dago, 0,5 segundoko tartekatze batekin, beheko taulan ikus daitekeen bezala.

Periodoa (segundoak) Hedapena (gutxienezkoa)*
213,1326… 6,7
212,7684… 4,1
274,2508… 4,1
274,7745… 2,9

Periodo nagusko 213,13 segundoko aldaketa denboran hain txikia da, ZZ Ceti erloju optiko ezagunik egonkorrenetakoa dela, erloju atomikoen parekoa eta pultsar gehienak baino egonkorragoa.