Zabaleta

Zabaleta euskal izen berezia da, toponimotzat, abizentzat eta emakumeentzako ponte izentzat erabilia. Abizenak, euskara batuko gaur egungo idazkera horretaz gainera, beste erdal idazkera hauek ere baditu: Zavaleta, Zabalete, Sabalette, Sabalete, Çabalette, Zabaletta. Ponte izena, berriz, Urretxu (Gipuzkoa) herriko Andre Mariaren adbokazioa da; haren irudia Done Joanesen baselizakoa zen, eta Zabaleta baserrian gordetzen zen.

Etimologia

Abizenak bi osagai ditu: zabal (adjektiboa: «hedatsu», izena: «plazatxo») + -eta (zerbaiten ugaritasuna adierazten duen atzizkia, leku izenetan erabilia).

Abizena

Zabaleta

• Aitor Zabaleta, errealzalea, Madrilen eraila 1998ko abenduaren 8an.
• Facundo Zabaleta (Oiartzun, Gipuzkoa, 1934), txirrindulari ohia.
• Gemma Zabaleta (Donostia, Gipuzkoa, 1957), politikari ohia.
• Iñaki Zabaleta (Leitza, Nafarroa Garaia, 1952), euskal idazlea, kazetaria eta EHUko irakaslea.
• Jorge Zabaleta (Santiago, Txile, 1970), aktorea.
• Jose Javier Zabaleta (Etxarren, Nafarroa Garaia, 1991), esku huskako pilotaria.
• Josu Zabaleta (Legazpi, Gipuzkoa, 1948), itzultzailea eta idazlea.
• Juan Zabaleta Lekuona (Errenteria, Gipuzkoa, 1894 – 1950), euskal idazlea eta bertsolaria.
• Juan Zabaleta (Madril, Espainia, 1610 – 1670?), gaztelaniazko idazlea.
• Mariano Zabaleta (Tandil, Argentina, 1978), tenislari profesional ohia eta telebistako aurkezlea.
• Martin Zabaleta (Hernani, Gipuzkoa, 1949), mendizalea.
• Nicanor Zabaleta (Donostia, Gipuzkoa, 1907 – San Juan de Puerto Rico, Puerto Rico, 1993), harpa-jotzailea.
• Pablo Zabaleta (Buenos Aires, Argentina), futbolaria.
• Patxi Zabaleta (Leitza, Nafarroa Garaia, 1947), politikaria eta euskal idazlea.
• Peio Zabaleta (Iholdi, Nafarroa Garaia, 1961), musikagilea.
• Pello Zabaleta Kortaberria (Legazpi, Gipuzkoa, 1942), idazlea.
• Pello Zabaleta Lekuona (Errenteria, Gipuzkoa, 1896 – 1967), bertsolaria.

Zavaleta

Zabaleta euskal izenaren erdal grafietako bat da. Zavaleta abizena duten pertsona ospetsuak:

• Cara Zavaleta (Bowling Green, Ohio, Ameriketako Estatu Batuak), modeloa.
• René Zavaleta Mercado ((Oruro, Bolivia, 1935 – Mexiko hiriburua, Mexiko, 1984), Boliviako politikaria, soziologoa eta filosofoa.
• Ruth Zavaleta (Tepecoacuilco, Guerrero, Mexiko, 1966), politikaria.

Toponimoa

• Zabaleta dorretxea edo Kaxerna dorretxea: Nafarroa Garaiko Lesaka udalerrian dagoen dorretxea.
• Zabaleta: Bizkaiko Nabarniz udalerriko auzoa.
• Uribarri-Zabaleta: Bizkaiko Nabarniz udalerriko auzoa.

Kanpo estekak

• Datuak: Q136708