Zahi Hawass

Wikipedia(e)tik
Hona jo: nabigazioa, Bilatu
Zahi Hawass (2003)

Zahi Hawass (arabieraz زاهي حواس) (Damieta, Egipto, 1947ko maiatzak 28), munduko egiptologorik ospetsuenetako bat da, eta, azken urteetan, arkeologiatik kanpo ospe handia hartu du, Antzinako Egiptori buruzko dokumentaletan sarri agertu izan delako.

Gaur egun, Egiptoar gobernuaren Antigoaleko Gauzen Kontseilu Goreneko idazkari bezala ari da. Aurretik, Gizako ordokian indusketa zuzendaria izan zen, eta Niloren deltako, mendebaldeko basamortuan eta Nilo Garaiko aztarnategi arkeologikoetan lan egin zuen.

Hawass, munduko beste toki batzuetan aurkitzen diren antzinako egiptoar objektu asko itzultzera zuzendutako mugimendu baten buru da. 2003ko uztailean, Egiptok Rosetta Harria itzultzea exigitu zuen, gaur egun British Museumean dagoena. Une horretan, Hawassek, honako hau adierazi zuen: "Britainiarrek, gogoratuak izatea nahi badute, euren ospe ona berreskuratu nahi badute, harria itzuli beharko lukete, gure egiptoar nortasunaren ikurra baita".

Hawass, antzinateko astronatua eta beste postura historiko sasizientifikoen aurka agertzen da garbi. Telebistako bere agerpen asko, teoria horiek gezurtatzera eta piramideak, antzinako egiptoarrek eraiki izanaren frogak erakustera zuzenduak izan dira.

Commonsen badira fitxategi gehiago, gai hau dutenak: Zahi Hawass Aldatu lotura Wikidatan