Zaragoza-Delicias geltokia

Wikipedia(e)tik
Hona jo: nabigazioa, Bilatu

Koordenatuak: 41°39′31″N 0°54′42″W / 41.658647°N 0.911586°W / 41.658647; -0.911586

Zaragoza-Delicias
Tren Zaragoza.JPG

Zaragoza-Delicias geltokia
Lineak
« Utebo C-1 red.svg Zaragoza-Portillo »
Kokapena
Helbidea Rioja kalea, 33; 50011
Udalerria Zaragoza,  Aragoi
Zaragoza-Delicias geltokia non dagoen adierazten duen Zaragoza-ko/-go/-eko mapa
Geltokiaren datuak
Kodea 04040
Irekiera 2003ko maiatzaren 7a
Bidaiariak 3,12 milioi (2010)[1]
Irisgarria Geltoki irisgarria
Zerbitzuak Ordainpeko aparkalekua Autobus eta Taxi geralekua Igogailua Komunak Kafetegia Jatetxea Kotxe alokairua Kontsignak Dendak Telefonoa Itxaron gela Pertsonadun leihatila
Nasa kopurua 5
Trenbide kopurua 8
Jabea Adif
Eragilea(k) Renfe Operadora
Zerbitzuak
Abiadura handia AVE, Alvia, Avant
Distantzia luzea Estrella, Trenhotel
Distantzia ertaina Renfe Distantzia Ertaina
Renfe Aldiriak C-1 Casetas - Miraflores
Bestelakoak Autobus geltoki nagusia
TUZSA: 34, 51, Ci1, Ci2
Hiri arteko autobusak (CTAZ): 501
biZi
Taxi

Zaragoza-Delicias Zaragozako geltoki intermodala da, hiriko tren geltokirik garrantzitsuena eta autobus geltoki nagusia batzen dituena, eta izen bereko barrutian kokatzen da. Eraikina, Carlos Ferrater, José María Valero eta Félix Arranz arkitektoek diseinatuta, 2003ko maiatzaren 7an inauguratu zuen Gestor de Infraestructuras Ferroviariasek, eta gaur egun jabea Adif enpresa publikoa da. Geltokiak sarbideak ditu Errioxa kalean (trenen irteerak), Nafarroa etorbidean (alde batetik trenen helduerak eta bestetik geltokiko lurpeko komunikabide nukleoa) eta Ebroko autobidean (autobus geltokira sarrera), eta bi solairu ditu, behekoa eta sotokoa. Eraikinean bertan Husa Puerta de Zaragoza hotela dago.

2011n Espainian bidaiari gehien jasotzen dituzten tren geltokien artean seigarrena izan zen,[2] urtean 3 milioi lagun baino gehiagok erabiltzen dutela.

Geltokiak Renfe Operadora eragileak ustiatzen dituen aldirietako, distantzia ertaineko, distantzia luzeko eta abiadura handiko zerbitzuak biltzen ditu, eta Zaragozako autobus geltoki nagusia ere jasotzen du 2007ko maiatzaren 5etik.

Kokapena[aldatu | aldatu iturburu kodea]

Geltokia hurrengo trenbide tarteen parte da:

  • Zabalera iberiarra duen 200 linea (Madril - Bartzelona trenbidea), Zaragoza eta Lleidatik, 339,4.4. puntu kilometrikoa.[3]

Historia[aldatu | aldatu iturburu kodea]

Geltokia 2003ko maiatzaren 7an inauguratu zen, AVE abiadura handiko trenen zerbitzua Zaragozara heltzearekin batera. 2008ko ekainaren 11n, Zaragozako Expo 2008a hasteko hiru egun falta zirela, Zaragozako Renfeko Aldirien zerbitzua martxan jarri zen, C-1 linea ireki zelarik, Casetas eta Miraflores geltokien artean.

Ireki eta hamar urtetan 19 milioi bidaiari jaso ditu geltokiak.[4]

Geltokia[aldatu | aldatu iturburu kodea]

Eraikina Carlos Ferrater eta José María Valero arkitektoek proiektatu zuten, Félix Arranz eta Elena Mateurekin, eta Juan Calvo bide-ingeniaria eta Juan Broseta atondura ingeniariaren laguntzarekin. Aurreproiektu eta proiektuaren idazte faseetan, besteak beste Manuel Bermudo, Gonzalo Urbizu, Jesús Marcuello eta Montse Abad arkitektoek ere hartu zuten parte. Geltokiak 600 metro luze baino gehiago eta 80 metro zabaleradun espazio zabala hartzen du, hiru bestibulurekin, bidaiari-fluxuak banatuz. Hala, irteera gune, helduera gune eta transfer lurpeko komunikabide nukleoz dago hornituta.

Guztira 18,8 hektareadun azalera dauka. Trenbide garraiorako bost nasa daude, 400 metro luze direnak. Hegoaldeko fatxadan Aragoiko Burdinbidearen Museoa sortzeko proiektua bazegoen ere, hegaldura handi baten behean eraiki behar zena. Hala ere museoa ez da gauzatu. Fatxada nagusia, iparraldera begira dagoena, Ebro ibaiaren aurrean dago, eta Expo 2008ko gunera begira dago.

Eraikinaren bereizgarrietako bat estalkia da, urrunetik eraikinaren gorputzaren gainean arku handi batzuk bistan geratzen direla. Barrutik, argi-sarreradun tetraedroz osatutako estalkia antzeman daiteke. Estalkiak 40.000 metro koadroko azalera hartzen du eta sare triangeluar baten bitartez argi-zuloak irekitzen ditu, eraikin barruan argi naturala sartzea ahalbidetuz. Nasen gunean estalkia 30 metroko altueran dago, eta ez dago zutaberik, espazio libre handia sortaraziz.

Eraikinak Arkitekturaren FAD saria jaso zuen 2004an, eta Brunel Saria 2005ean.

Geltokiak jaso dituen kritika nagusien artean neguan eraikin barrualdearen berokuntzaren eskasia dago. Arazoa instalatutako klimatizazio sistema martxan ez jartzeagatik dator. Adifek arazo horri aurre egiten saiatu da bero-lanparak instalatuz eta beiradun guneak sortuz, arrakasta handirik gabe. Bestalde, transfer gunean dauden txartela-salmentarako leihatilak itxita daude, aparkalekutik geltokira doazen bidaiariek transferraren erabilera probetxugarria egiteko zailtasunak dituztela.

Argazki galeria[aldatu | aldatu iturburu kodea]

Erreferentziak[aldatu | aldatu iturburu kodea]

Enlaces externos[aldatu | aldatu iturburu kodea]

Commonsen badira fitxategi gehiago, gai hau dutenak: Zaragoza-Delicias geltokia