Zarautz Arraun Elkartea

Zarautz Arraun Elkartea

Herria	Zarautz, Gipuzkoa
Sorrera	1983
Lehendakaria	Jon Artola
Entrenatzailea	Anjel Mari Larrañaga
Koloreak	urdina
Trainerua	Enbata
Patroia	Gaizka Garmendia
Palmaresa: Kontxako Banderak TKE Ligak Espainiako Txapelketak Euskadiko Txapelketak	0 0 0 0
2016ko liga:	9.a (KAE 1 Liga)
Webgune ofiziala

Zarautz Arraun Elkartea (ZAE) Zarauzko (Gipuzkoa) arraun taldea da, 1983an sortua. Inmobiliaria de Orio eta Zarauzko Udala dira taldearen babesleak. Traineruez gain, batel eta trainerilla txapelketetan parte hartzen du.

Uniformea

Taldearen trainerua Enbata da, eta kolore urdina erabiltzen du. 90. hamarkadan Zarauztarra izeneko trainerua ere erabili zuen.

Historia

Kluba sortu aurretik

Zarauzko traineruak lehian aritu izan ziren 10. hamarkadan Kontxako Banderan, bai eta Zarautzen bertan aristokraziarentzako antolaturiko frogatan ere. 1916an hartu zuen lehenengo aldiz parte Kontxako banderan eta laugarren postua eskuratu zuen. Bi urte beranduago bigarrenak izan ziren baina ez zuten bandera herrira eraman, zigortu egin baitzuten Donostiaen trainerua jotzeagatik. 50. hamarkadan ere aritu zen Kontxan emaitza aipagarririk lortu ez zuen arren. Kluba sortu aurreko azken parte hartzea 1961ekoa izan zen.

Elkartearen hasierako urteak

Elkartea 1983an sortu zen eta 1986an izan zuen lehenengo denboraldia traineruetan. 1991ean Kontxako Banderara sailkatzea lortu zuen, sailkapen estropadan zortzigarren gelditu arren Yola taldea (Koxtape B) kanporatua izan baitzen. 90. hamarkadan urtero atera izan du trainerua, nahiz eta urte batzuetan arraunlari eskasia zela eta beste elkarteekin bat egin beharra izan, Oriorekin 1993an Orio B osatuz eta Getariarekin 1995ean.

1996an Euskal Ligan sartzea lortu zuen. 11. izan zen baina bere historiako lehenengo banderak irabazi zituen (Karmen Donostian, Koxtaperena Pasaian eta Zumaiakoa). 1997an 9. postua lortu zuen Ligan eta 1998an zazpigarrena izan zen. 1999an Euskal B Ligan aritu zen eta bertan bigarren egin zuen liga hartakoak ziren 6 bandera irabaziz. Hurrengo bi urtetan ez zuen trainerurik atera eta 2002an Ligako 20.a izan zen.

Garai onenak

2003an TKE Liga sortu berrian sartzea lortu zuen Zarautzek. Azken postuan bukatu bazuen ere elkartearen garai onenei hasiera eman zion. 2005ean KAE Ligan bigarren eginez berriz TKEra igotzea lortu zuen. 2006an Euskadiko Trainerilla Txapelketa irabaziz hasi zuen urtea eta trainerutan Ligan seigarren eta Kontxan laugarren egin zuen, non euskal trainerurik onena izan baitzen. 2007an Ligan bosgarren izan zen, Zumaiako bandera irabaziz, eta Kontxan laugarren postua errepikatu zuen. Emaitza hauetaz gain Gipuzkoako txapeldunak izan ziren zarauztarrak. 2008a ere batel eta trainerilletan gogor hasi zuten denboraldia, untzi bietan Euskadiko eta Gipuzkoako txapelketak irabaziz. Ligan ere berriz bosgarrenak izan ziren baina Kontxan sartzerik ez zuten lortu. Hala ere denboraldia bikain bukatu zuten El Corte Ingles Banderan bigarren postua lortuta.

2009an maila pixka bat jeitsi zen Ligan 8. egin baitzuten. Ziklo baten amaiera zen, denboraldi bukaeran entrenatzaileak eta hainbat arraunlarik elkartea utzi zuten eta 2010an maila galdu zuen Zarautzek. Ordutik KAE 1 mailan aritu da, baina 2013an 11. postuan gelditu eta maila galdu zuen. Hurrengo urtean KAE 2 liga irabazi zuen, zilarrezko mailarako txartela eskuratuz, baita 8 bandera ere.

Baina 2014a ez zen urte oparoa izan traineruagatik soilik. Gazteek ere hainbat garaipen eskuratu zituzten, besteak beste, infantil mutilen Gipuzkoako bateletako liga edota jubenilek, bateletako denboraldia Getarian egin ostean, traineriletan lortu zituztenak: Gipuzkoako trainerila ligako lehen postua, Gipuzkoako txapelketako bigarrena, Euskadiko ikurrina eta brontzezko domina estatuko txapelketan. 2015ean KAE Ligan zortzigarren postua eskuratu zuen eta 2016an bederatzigarrena izan da.

Palmaresa

Kontxako Bandera

• Txapelduna (0):.
• Bigarrena (1): 1918.
• Laugarren (2): 2006 eta 2007.
• Sailkatua (3): 1991, 2006 eta 2007.

TKE Liga

• Txapelduna (0):
• Bigarrena (0):
• Sailkatua (6): Bosgarrena 2007 eta 2008, seigarrena 2006.
• Irabazitako estropadak: 1
• Euskal Liga (0): Zazpigarren 1997an.
• KAE 1 Liga (0): Bigarrena 2005ean.
• KAE 2 Liga (1): 2014.

Gipuzkoako Traineru Txapelketa

• Txapelduna (1): 2007.
• Bigarrena (1): 2006.

Gainontzeko estropadak

Handiak	Zarauzko Ikurrina (0): hirugarrena 2008an.
Etxekoa	Zarauzko Promozio Ikurrina (1): 2014.
Gipuzkoan	Zumaiako Bandera (2): 1996, 2007. Karmen Eguneko Bandera (1): 1996. Koxtaperen Bandera (2): 1996, 1999. Irun Hiriko Bandera (1): 1999. Donostia Arraun Lagunak Bandera (1): 1999. Hondarribiako Promozio Bandera (1): 1999. Ur-Kirolaken Bandera (2): 1999, 2004. San Pedroko Bandera (1): 2004. Getariako Bandera (1): 2004. Donostia Arraun Lagunak Bandera (1): 2004. Koxtaperen Bandera (1): 2005. Zumaiako Promozio Bandera (1): 2014.
Bizkaian	Mundakako Bandera (2): 2007, 2014. Areetako Bandera (1): 2014. Itsasoko Amaren Bandera (1): 2014. Plentziako Ikurrina (1): 2014.
Lapurdin	Baionako Bandera (1): 1999. Donibane Lohitzuneko Bandera (1): 2005. Bermeoko Promozio Bandera (1): 2014.
Kantabrian	Ría del Asón Bandera (2): 1998, 2014. Santoñako Bandera (1): 2004. Flaviobriga Bandera (1): 2014.

Trainerilletan

• Euskadiko Txapelketa (2): 2006, 2008
• Gipuzkoako Txapelketa (2): 2007, 2008

Bateletan

• Euskadiko Txapelketa (1): 2008.
• Gipuzkoako Txapelketa (3): 1990, 2008 eta 2009.

Azken denboraldiak

Urtea	Liga	Kontxa
2003	TKE Liga, 12.a	-
2004	Federazio Liga, 8.a	-
2005	Federazio Liga, 2.a	-
2006	TKE Liga, 6.a	4.a
2007	TKE Liga, 5.a	4.a
2008	TKE Liga, 5.a	-
2009	TKE Liga, 8.a	-
2010	TKE Liga, 12.a	-
2011	KAE 1 Liga, 5.a	-
2012	KAE 1 Liga, 7.a	-
2013	KAE 1 Liga, 11.a	-
2014	KAE 2 Liga, 1.a	-
2015	KAE 1 Liga, 8.a	-
2016	KAE 1 Liga, 9.a

Emakumezkoen trainerua

Zarautz Arraun Elkartea

Entrenatzailea	Eneida Etxabe
Koloreak	marroia eta urdina (Zarautz-Getaria)
Trainerua	Esperantza
Patroia	Izaro Lestayo
Palmaresa: Kontxako Banderak Euskotren Ligak Euskadiko Txapelketak	0 0 0
2016ko liga: 2016ko Kontxa:	5.a (Gipuzkoako Liga) 5.a

2013an lehenengo aldiz emakumezkoen trainerua osatu zuen etxeko arraunlariez gain Tolosakoak ontziratuz. Gipuzkoako Ligan seigarren postua eskuratu zuten.

2014an Getariako Arraun Elkartearekin batera aritu dira eta Gipuzkoako Ligan bosgarrenak izan ziren. Hurrengo urteetan ere elkarrekin jarraitu dute eta bi bandera eskuratu zituzten 2015ean. 2016an Kontaxko Banderan debuta egin eta ohorezko txandarako sailkatu dira. Azkenean 5. postuan amaitu du.

Kontxako Bandera

• Bosgarrena (1): 2016.

Ligak

• Gipuzkoako Liga (0): bosgarrena 2014, 2015 eta 2016an.

Banderak

• Orioko Bixigu Eguna (1): 2015.
• Zumaia Promozioa (2): 2015, 2016.

Denboraldiak

Urtea	Taldea	Liga	Kontxa
2013	Zarautz	Gipuzkoako Liga, 6.a	-
2014	Zarautz-Getaria	Gipuzkoako Liga, 5.a	-
2015	Zarautz-Getaria	Gipuzkoako Liga, 5.a	-
2016	Zarautz-Getaria	Gipuzkoako Liga, 5.a	5.a

Banderak

Zarautzek estropadak antolatzeko tradizio handia izan du. Aurrez batel estropadak egon izan ziren arren, 1946an Zarauzko trainerilla estropadak antolatzeari ekin zion, Bermeokoekin batera trainerilletako bandera garrantzitsuena bihurtuz. 1976an traineruetara salto eginez Zarauzko Ikurrina antolatu du urtero. Gaur egun TKE Ligako eta Emakumezkoen Ligako estropada garrantzitsuena da, bi jardunalditara jokatzen den bakarra baita.

Kanpo loturak

• Zarautz Arraun Elkartearen webgunea