Zero absolutu
Wikipedia(e)tik
Zero absolutua egon daitekeen tenperaturarik txikiena da. Tenperatura honetan sistemaren energia maila egon daitekeen txikiena da, eta partikulak, mekanika klasikoaren arabera, ez dira higitzen. Mekanika kuantikoaren arabera, ordea, zero absolutuak energia erresidual bat izan behar du, zero puntuko energia deitua, Heisenbergen ziurgabetasunaren printzipioa bete dadin.
Zero absolutua, gainera Kelvin eta Rankine eskalen 0 puntua ere bada. 0K edo 0R -273,15ºC eta -459,67ºF dira urrenez-urren.
Termodinamikaren hirugarren legearen arabera zero absolutua inoiz ezin da lortu. Gaur egun lortu den tenperaturarik txikiena -272ºCkoa da, hozkailuak dituen molekulek ez baitute puntu horren azpitik joateko behar hainako energiarik. Zero absolutuan kristal perfektu baten entropia zero da ere.
