Elexalde Zollo

Elexalde Zollo
Euskal Herria
Kokapena
Herrialdea	Bizkaia
Udalerria	Arrankudiaga
Administrazioa
Posta kodea
Geografia
Koordenatuak	43°11′33″N 2°56′17″W
Demografia

Elexalde Zollo, ofizialki Zollo-Elexalde deitua, Arrankudiaga udalerri bizkaitarraren barruan dagoen udalerri-ohia da, Nerbioi ibarrean. Egun, auzotzat jotzen da, 1968an anexionatu baitzuten.

Kokapena

Belaute edo Ganekogorta mendiaren magalean dago; herrirako heltzeko modurik errazena Ugaotik igotzen den errepidea da. Ez dago inolako garraiobide publikorik hara heltzeko; horretarako Nerbioi ibaiko haraneraino jaitsi beharra dago, bereziki tren-geltokia eta autobus-zerbitzuak dituen aipatutako Ugaoraino.

Auzoak

Udalerri-ohi honek baditu auzo batzuk; inportanteenak Elexalde udalburu izan zena (bertan eliza ere badago), Aspiuntza eta Ustara dira.

Zollo Urruti eta Etxebarri herriko beste auzo jendeztatuak dira.

Basakoetxe izeneko parajean urtegi bat dago, baserri bati izena zor diona.

Demografia eta biztanleria

Udalerri gisa ageri den azken erroldan (1960koan) 208 biztanle eta 56 etxe zituen. 2008ko urtarrilaren 1eko erroldaren arabera 126 biztanle ditu.

Zolloko biztanleria

2000	2001	2002	2003	2004	2005	2006	2007
96	93	97	97	98	98	95	113

Jakingarriak

Bertan San Martin jaiak ospatzen dira eta inguruko herrietan tradizio handia egon da horra joatera, esaterako odolosteak jateko. Udalerria galduta ere nortasuna mantentzen duela erakusteko aukera izaten da.

Kanpo estekak

• (Gaztelaniaz) Zollo 1842tik aurrera izandako biztanleria datuak aurkitzeko webgunean.

• Datuak: Q12269389

Artikulu hau Bizkaiko geografiari buruzko zirriborroa da. Wikipedia lagun dezakezu edukia osatuz.

Euskarazko Wikipedian bada atari bat, gai hau duena: Euskal Wikiatlasa