Zopirion

Zopirion (K. a. 331n hil zena) general mazedoniar bat izan zen, Alexandro Handiak Trazia edo Pontoko gobernari egin zuena. K. a. 331n Eszitiaren inbasio bat zuzendu zuen "saiatzen ez bazen axolagabetzat hartua izango zela pentsatuz".

Asmo honekin hogeitamar mila soldaduko armada bat bildu zuen, hauekin Itsaso Beltzaren kostaldean zehar joan zelarik, Olbia setiatuz, Miletoren kolonia bat zena (Alexandro Handiak K. a. 334an hartu zuena). Baina olbiarrek "euren esklabuei askatasuna eman zieten, hiritartasun eskubideak eman zizkieten atzerritarrei, aldaketa letrak igorri zituzten, eta, beraz, setioari bizirautea lortu zuten. Gainera, eszitekin aliantza osatu zuten. Kurtzio Rufok dioenez, itsasoan gertaturiko ekaitz handi batek desegin zuen mazedoniar armada. Zopirionek, setioa jarraitzeko baliabiderik ez zuena, erretiratzea erabaki zuen. Itzulerako bidaian, bere armada esziten etengabeko erasoen ondorioz suntsitua izan zen. Porrota ziuraski Danubiotik haratago gertatu zen geta eta tribaliarren esku Alexandro Handiak euren lurretan K. a. 335ean eragin zuen hondamendiaren mendeku gisa. Zopirion bere soldaduekin hil zen.

Alexandro Handiak bere patua Antipatrok Mazedoniatik bidalitako gutun baten bidez jakin zuen, Espartako erregea zen Agis III.aren heriotzaz Grezian eta Alexandro Epiroko erregearenaz Italian batera. Alexandro "emozio ezberdinengatik hunkitua" geratu zen, baina poz handiagoa sentitzen zuen bi errege etsairen heriotzaren berri izatean, Zopirion eta bere tropen galerengatik mina baino.

Hau izan zen Alexandro Handiaren bizitzan zehar arrakastarik gabeko mazedoniar inbasio bakarra, Kalasek Bitiniako Bas erregearen aurka eginiko kanpaina kontutan hartu gabe.