Zubizuri

Wikipedia(e)tik

Hona jo: nabigazioa, Bilatu
Zubizuri
Zubizuri
Zubizuri zubia Campo Volantinetik ikusia
Lerroak Oinezkoa
Zeharkatzen du Bilboko itsasadarra
Non Bilbo, Bizkaia
Diseinatzailea Santiago Calatrava
Materiala altzairua
Luzera osoa 75
Altuera 15
Eraikitzen hasi zen urtea 1990
Eraikitzen amaitu zen urtea 1997
Irekitze-data 1997ko maiatzaren 30a
Bidesaria Ez

Zubizuri Bilboko oinezkoen zubi bat da, Santiago Calatrava arkitekto valentziarrak diseinatua. Bilboko itsasadarraren gainean eraikia, Uribitarte eta Campo Volantin pasealekua batzen ditu.

Eduki-taula

[aldatu] Eraikuntza

Lanak 1990an hasi[1] eta 1997ko maiatzaren 30ean inauguratu zuten eta Calatravaren estilo berezia jarraitzen du[2], bela untzi batean oinarriturik. Kristala eta altzairua erabili ziren eraikitzeko[3].

Sarbide moduan, plataforma bi ditu, bakoitzak eskailerak eta aldapa bat dituenak.

Zubiaren zorua kristalezkoa da. Hasieran arkitektoak zoru hori gardena izatea nahi izan zuen, baina azkenean kristal opakoa erabili zuten. Neguko goiz hotz batzuetan zubia itxi beharra egoten da, kristala izoztu eta bertatik igarotzea arriskutsua izaten delako.

[aldatu] Kritikak

[aldatu] Arkitektoen ikuspuntua

Zubia zabaldu zutenetik, aditu askok Zubizuri Bilbo berriaren ikurtzat hartu dute, turismoentzako erakargarria delako. Alexander Tzonis arkitektura irakasleak[4] Honela dio:

"Zubiaren bihurgune-eraikuntzaren adimen, bizkortasun eta originaltasunek egunerokotasuna eta hiriko gainbehera aurre egiten dute, itxaropena eta garai hoberenak imajinatzeko mezua ekarriz."

Hala ere, badaude beste ikuspuntu ezberdina duten beste adituak, tartean Matthew Wells zubi ingeniariak:[5]

"Tamalez, altzairuzko egitura arina eta hegalhorma-bularra arteko kulunka behartuta dago, eskulturazko jostailu baten moduan, eta zorua ukitzen du deseroso."

[aldatu] Irekiera eta geroko historia

Zubia baliagarrigabetzat hartu da zabaldu zutenetik: kristalezko zorua famatua bihurtu da hirian, Bilboko klima hezean irristatzea erraza delako[6].

Jatorrizko diseinuak ezkerraldetik Uribitarte kaiarekin lotura du, erabilgarriagoa den Mazarredo zeharkalearekin baino. Hori dela eta, Bilboko Udalak hasieran aldamioak jartzea erabaki zuten, baina Calatrava protesta egin ondoren kendu zituzten.

Isozaki pasabidea, Zubizuritik gertu kokatuta.

2006an, Udalak Arata Isozakiri zubitik Isozaki Atea eraikin berrira doan pasabide berria eraikitzeko baimena eman zion. Calatravak 2007an Bilboko udala eraman zuen auzitara, kalte moralak sortu ziotelakoan[7][8]. Bilboko alkatea den Iñaki Azkunak, zinegotziek lagunduta[6], jabearen eskubideak diseinatzailearenak gailentzen zirela erantzun zion, baita kristalezko zoruaren egoera hiriarentzat garestia leporatu ere (Antonio Basagoiti oposizioaren zinegotziak urtero 6.000 euroko gastua zela esan zuen[6]; Udalak, berriz, 10 urtetan 250.000 eurokoa[9]).

Legegizonek eta herriko arkitektoek alkatearekin bat egin zuten, erreformek Calatravaren eskubideetan ondorioak ez zutelakoan[10].

2007ko azaroaren epaiak, nahiz eta diseinatzailearen alde egin, Isozakiren pasabidea mantendu zuen[11]. Calatravak gora jo eta 2009ko martxoan, Auzitegiak 30.000 euro eman zion Calatravari[12].

[aldatu] Erreferentziak

  1. ↑ Great Buildings Online: Campo Volantin Footbridge
  2. ↑ Jodidio, Philip "Santiago Calatrava", Benedikt Taschen Verlag GmbH, 1998. ISBN 3-8228-7883-9. photographs, p152-154
  3. ↑ Broer: Campo Volantin Footbridge
  4. ↑ Tzonis, Alexander, "Calatrava Bridges", Thames & Hudson, 2005, ISBN 0-500-28579-9
  5. ↑ Wells, Matthew, "30 Bridges", Laurence King Publishing, 2002, ISBN 1-85669-217-5
  6. ↑ 6,0 6,1 6,2 El Correo: Entre losetas y y arquitectos 'estrellas'
  7. ↑ El Correo: Calatrava lleva a los tribunales su guerra con Isozaki por los puentes de Uribitarte
  8. ↑ El Correo: «Tenían que habernos encargado la prolongación de la pasarela»
  9. ↑ El Correo: La reparación de las losetas ha costado 250.000 euros
  10. ↑ El Correo: Juristas dicen que la propiedad intelectual se limita «al diseño» de las obras arquitectónicas
  11. ↑ El Correo: El juez prima a los peatones en el puente de Calatrava
  12. ↑ El País: Bilbao, condenado a indemnizar a Calatrava por 'alterar su obra'
 Commonsen fitxategi gehiago dago honi buruz:
Zubizuri

Koordenatuak: 43°15′59.06″N 2°55′40.50″W / 43.2664056, -2.9279167 (Zubizuri)


Bilboko itsasadarreko zubiak

Abusu • Areatza • Arrontegi • Bizkaiko Zubia • Deustu • Erribera • Euskalduna • Larreagaburu • Mesede • Pedro Arrupe • Pontoi • Salbe • San Anton • Udaletxea • Zubizuri
"http://eu.wikipedia.org/wiki/Zubizuri"(e)tik eskuratuta
Tresna pertsonalak