Josu Bergara Aretxabaleta

Josu Bergara Aretxabaleta
Bizitza
Jaiotza	Ea, 1979 (44/45 urte)
Herrialdea	Bizkaia, Euskal Herria
Hezkuntza
Hizkuntzak	gaztelania
Jarduerak
Jarduerak	abeslaria
Musika instrumentua	ahotsa

Artikulu hau abeslariari buruzkoa da; beste esanahietarako, ikus «Josu Bergara».

Josu Bergara Aretxabaleta (Ea, Bizkaia, 1979) euskal kantaria, publizista eta irakaslea da. Burutu agentzia eta Paraxut ikus-entzunezko ekoiztetxearen sortzailea da. Euskal Herriko Unibertsitatean Gizarte eta Komunikazio Zientzien fakultatean irakaslea da.

Biografia[aldatu | aldatu iturburu kodea]

Txikitatik izan du musikarako zaletasuna. 12 urterekin biolontxeloa jotzen hasi zen eta 18 urte betetzean gitarra hartu zuen. 2006an atera zuen lehen diskoa, Karramarroen Hiria, 9 kanta zituena. Ondoren diska berriak etorri dira. 2015 urtean zuzeneko diska bat atera zuen, Kanta txikien indarra.^[1] 2018 urtean Asunak diska argitaratu zuen.

Horrez gain, musikarekin lotutako proiektu ezberdinak gauzatzen ditu, horren adibide Ea herriarentzat egindako musika konposizioa: “Errekara” (2022), "Pantailak euskaraz" mugimenduarentzat sortutako abestia (2023) edo Bilboko Kirikiño Ikastola konposatutako "Zeugaz bat" kanta (2024).

Musikaz haratago, publizitatean eta irakaskuntzan aritzen da. Euskal Herriko hainbat publizitate agentzia eta marka ezberdinentzat lan egin du. 2011 urtean Burutu publizitate agentzia sortu zuen, nazioartean sari ugari jaso dituzte, Summit saria Portland hirian edo Red Dot saria Berlinen, besteak beste.

Ikus-entzunezkoei dagokionez, Loa eta Laia (2022) euskarazko marrazki bizidunen telesailaren sortzailea da.

Euskal Herriko Unibertsitatearen Gizarte Zientzien eta Komunikazio Fakultatean irakaslea da. Publizitatea, komunikazioa, marketina eta marken kudeaketarekin lotutako gai ezberdinak jorratzen ditu.