Poker

Hold'em moduan jokatutako poker partida

Joker kartak aldaera batzuetan erabiltzen diren bi karta dira. Jokalariak erabakiko du zein balio eman karta honi. Probabilitate txikiko jokaldiak lortzeko aukerak asko handitzen dituzte karta hauek.

Pokerra karta-joko garrantzitsua da, apustuetan oinarritua. Bere jatorria ez da argia, baina Alemania edo Frantziatik datorrela uste da.

Arauak

Jolasteko 52 kartako karta-sorta ingeles bat erabiltzen da (batzuetan + 2 jokerrekin), jokalari bakoitzari bi karta emanez eta mahai gainean bost lehenik hiru, eta ondoren, beste bi txandatan, bana. Txanda tartean apustuak egiten dira.

Eskualdi bakoitzean honako jokaldiak egin daitezke:

• Erregeren eskailera: 10etik batekorainoko sail bereko segidako bost karta: 10-J-Q-K-A.
• Kolorezko eskailera: sail berdineko ondoz ondoko 5 karta. Adib.: bihotzezko 4-5-6-7-8.
• Pokerra: balio bereko 4 karta. Adib.: 9-9-9-9-5.
• Full-a: balio bereko 3 karta (hirukotea), gehi balioz aurrekoaren ezberdinak diren bi (bikotea), adib.: Q-Q-Q-6-6 (hirukotea da zenbatzeko garaian gehien balio duena, 9-9-9-3-3, 8-8-8-K-K baino hobea da.)
• Kolorea: sail berdineko 5 karta, ondoz ondokoak izan behar gabe, adib.: bihotzen saileko 4-6-10-J-K
• Eskailera: edozein saileko ondoz ondoko 5 karta, adibidez: 7-8-9-10-J
• Hirukotea: balio bereko 3 karta, adib.: 9-9-9-3-K
• Bikote bikoitza: bi karta berdin eta aurrekoen ezberdinak diren beste bi karta berdin, adib.: J-J-4-4-9
• Bikotea: bi karta berdin, adib.: A-A-7-4-2
• Kartarik altuena: aurreko jokaldietako batere ez badago, kartarik altuena hartzen da kontuan, honako ordenean, altuenetik txikienera: A (batekoa) - K (erregea) - Q (anderea) - J(xangoa) - 10 - 9 - 8 - 7 - 6 - 5 - 4 - 3 - 2

Jokaldien sailkapena

Gorago eta balio handiago	Izena	Ingelesez	Deskripzioa	Adibidea	Probabilitatea (Konbinazio posible, jokerrik gabe= 2.598.960)	Probabilitatea ehunekotan (jokerrik gabe)
1	Errege eskailera	Royal flush	Kolore bereko bost kartarik baliotsuenak (10-J-Q-K-A).	Pika errege eskailera.	4 / 2.598.960	% 1,539·10^-4
2	Kolore eskailera	Straight flush	Kolore bereko bost karta, bosten balioa elkarren segidan. (Adb. 7-8-9-10-J).	Diamantezko kolore eskailera.	36 / 2.598.960	% 1,385·10^-3
3	Poker	Four of a kind o Quad	Balio bereko lau karta. (Adb. 9-9-9-9-3).	Bederatziko poker.	624 / 2.598.960	% 2.4·10^-2
4	Full	Full House	Balio bereko hiru karta (hirukotea), gehi balio bereko beste bi karta (bikotea). (Adb. 6-6-6-3-3).	Seiko full.	3.744 / 2.598.960	% 0,1440576
5	Kolore	Flush	Balio desberdineko baina kolore bereko bost karta, bosten balioa elkarren segidan egon gabe.	Kolorea, bihotzezkoena.	5.108 / 2.598.960	% 0,1965
6	Eskailera	Straight	Hainbat koloretako bost karta, bosten balioa elkarren segidan.	Eskailera.	10.200 / 2.598.960	% 0.3924
7	Hirukotea	Three of a kind edo Set	Balio bereko hiru karta. Beste biek bikotea osatu ez. (Adb. 8-8-8-2-10).	Zortziko hirukotea.	54.912 / 2.598.960	% 2,1113
8	Bikote bikoitza	Two pair edo Pocket	Bi bikote batera. (Adb. 2-5-5-Q-Q).	Bikote bikoitza. Erreginak eta bostekoak.	123.552 / 2.598.960	% 4,759
9	Bikotea	One pair	Balio bereko bi karta eta beste hirurak balio desberdinekoak. (Adb. K-K-7-2-J).	Bikotea. Errege bikotea.	1.098.240 / 2.598.960	% 42,257
10	Kartarik altuena	High card	Goiko aukeretako bakar bat ere ez balego, kartarik altuena irabaziko luke. Ados egonez gero, bigarren altuena...	Kartarik altuena: erregina, Q. Bigarren altuena: 10	1.302.540 / 2.598.960	% 50,1177

Kanpo estekak

• Datuak: Q80131
• Multimedia: Poker / Q80131