Émile Waldteufel

Émile Waldteufel
	; Irudi gehiago
Bizitza
Jaiotzako izen-deiturak	Émile Lévy
Jaiotza	Estrasburgo, 1837ko abenduaren 9a
Herrialdea	Frantzia
Heriotza	Paris, 1915eko otsailaren 12a (77 urte)
Hobiratze lekua	Père Lachaise hilerria; Grave of Waldteufel (en)
Familia
Anai-arrebak	ikusi Édouard Waldteufel (en) ;
Hezkuntza
Heziketa	Parisko Kontserbatorioa
Hizkuntzak	frantsesa
Jarduerak
Jarduerak	orkestra zuzendaria, musikagilea, piano-jotzailea eta musikologoa
Lan nabarmenak	ikusi Les Patineurs (en) ; Estudiantina (en) ;
Mugimendua	musika klasikoa
Genero artistikoa	erromantizismoa
Musika instrumentua	pianoa

Charles Émile Lévy, Émile Waldteufel gisa ezagunagoa, (Estrasburgo, 1837ko abenduaren 9–Paris, 1915eko otsailaren 12), musikagile frantziarra izan zen. Musika kultua egin zuen, esaterako pianorako lanak (polkak eta balsak) baina baita herri musika ere.

Biografia[aldatu | aldatu iturburu kodea]

Waldteufel (alemanez: "basoko deabrua") Alsazian jaio zen, musikari juduen familia batean. Bere aitak, Louisek, orkestra zuen, eta bere anaia Léon oso musikari maitatua zen. Léon Parisko Kontserbatorioan biolin ikasle gisa sartu zenean, familia osoa hara joan zen bizitzera. Parisen Émile bizitza osoa igaroko zuen.

Pianoa Parisko Kontserbatorioan ikasi zuen 1853tik 1857ra. Bere ikaskideen artean Jules Massenet eta Georges Bizet, opera konpositore ospetsuak, izan ziren. Denbora horretan, aitaren orkestra ospetsuenetarikoa bihurtu zen eta ekitaldi garrantzitsuetara joaten zen maiz.

28 urte zituela, Eugenia de Montijo enperadorearen gortean Émile pianista bilakatu zen. Frantziako eta Prusiako Gerrak Frantziako Bigarren Inperioa desegin ondoren, orkestra Eliseo jauregiaren presidentetza aretoetan aritu zen; une honetan 40 urte zituen eta Frantziako goi gizarteko kide gutxi batzuek baino ez zuten ezagutzen Émile.

1874ko urrian Waldteufel-ek kontzertua eman zuen Galesko printze eta Erresuma Batuko etorkizuneko erregea izango zen Eduardoren aurrean. Printzea bere "Manolo" balsak liluratu zuen, eta hori nahikoa izan zen Waldteufelen musika Britainia Handian ezagutzera emateko.

1915ean Émile Waldteufel, 77 urterekin, Parisen hil. Urte bat lehenago, 1914an, bere emaztea, Célestine Dufau abeslaria, hila zen ere bai. Bi seme eta alaba izan zituzten. Musikagilearen gorpuzkinak Parisko Père Lachaise hilerrian lurperatu zituzten.