Ñabar (tximeleta)

Ñabar (tximeleta)
Irudi gehiago
Sailkapen zientifikoa
Erreinua	Animalia
Filuma	Arthropoda
Klasea	Insecta
Ordena	Lepidoptera
Familia	Nymphalidae
Generoa	Apatura
Espeziea	Apatura iris Linnaeus, 1758
Datu orokorrak
Ostalaria	Ahuntz-sahats, Haltz, Sahats hauskara, Sahats eta Sahats arrunt

Ñabarra, zientifikoki Apatura iris, lepidoptera ditrysia genero bat da, Nymphalidae familiakoa. Ohikoak dira Eurasian.

Deskribapena

Nynfalido handienetako bat da. Arrek 70-80 milimetroko hegal-tamaina dute, eta emeek, berriz, 80-92 mm-koa. Helduek hegal marroi ilunak dituzte, banda eta orban zuriekin, eta eraztun laranja txiki bat atzeko hegal bakoitzean. Arrek distira irideszente purpura-urdina dute, eta emeek, berriz, ez. Larbak berdeak dira, marka zuri eta horiak dituzte, eta bi adar handi dituzte aurreko muturrean, eta beste bat txikiagoa atzeko aldean.

Habitat

Ibaiertzeko basoetan eta inguruetan bizi da, itsas mailatik 1.500 m-ra. Hala ere, batzuetan paseko aleak aurki daitezke oso biotopo desberdinetan, hala nola pagadietan, hariztietan edo pinudietan.

Elikadura

Tximeleta gehienek ez bezala, ez da loreez elikatzen, baizik eta Aphidoidea intsektuek sortutako melazaz, baita ere zuhaitz batzuek, fruitu ustelek, simaurrak, gernuak eta animalien gorpuek isurtzen duten izerdiaz.

Iruditegia

• 
  Bizkarraldea.
• 
  △ Sabela.

Bibliografia

• 1950. Le Moult (E.), Révision de la classification des Apaturinae de l'Ancien Monde, supplement to Miscellanea Entomologica.
• 1971. Rigout (J.), Une ponte d'Apatura en captivité, Alexanor.
• 1976. Nguyen (T. H.), Les Apatura. Polymorphisme et spéciation (Nymphalidae). Sciences Nat.

Kanpo estekak

• (Ingelesez):Apatura iris neguan bideoa.
• (Gaztelaniaz):Apatura iris Asturnatura.es webgunean.

• Datuak: Q30982
• Multimedia: Apatura iris / Q30982
• Espezieak: Apatura iris