2010eko Frantziako Tourra

Wikipedia(e)tik
Hona jo: nabigazioa, Bilatu

2010eko Frantziako Tourra Itzuli Handi honen 97. edizioa izan zen. 2009ko uztailak 3an hasi eta uztailak 25ean amaitu zen. 3640,9 kilometroko ibilbidea izan zuen, 20 etapa eta sarrerako etapa batean banatuta. Edizio honetan erlojupeko 60,9 kilometro egon ziren. Edizio hau Herbehereetako Rotterdam hirian hasi eta Parisen amaitu zen.

Edizio honetan Pirinioetako mendateak omendu ziren, (bereziki Tourmaleta), mendate hauek igaro ziren lehen aldiaren mendeurrena bete baitzen, 1910ean.

197 txirrindularik parte hartu zuten, 22 taldetan banatuta, horietatik, proba 170ek amaitu zutelarik, historiako kopuru handiena izan zena.

Itzulia 8 kilometroko sarrerako etapa batekin hasi zen. Hurrengo egunetan, itzuliak Belgika zeharkatu zuen Frantziara iritsi arte, hirugarren etapan Paris-Roubaix klasikak zeharkatutako zenbait pabesezko zati igaroz. Ondoren, zortzigarren etapan, Alpeetara iritsi zen. Hamalaugarren etapan hasi ziren Pirinioetako lau etapak. Azkenik, uztailak 25ean amaitu zen itzulia, Parisen.

Itzulia irabazi zuena, aurreko urtean bezala, Alberto Contador madrildarra izan zen, Andy Schleckekin lehia gogor bat izan ondoren (aurreko urtean bezala, sailkapen nagusian bigarren eta gazteen sailkapenean lehena izan zena, azken sailkapen hau hirugarren aldiz jarraian irabaziz). Hirugarrena Denis Menxov izan zen, Samuel Sanchez azkenaurreko etapako erlojupekoan garaitu ondoren, Euskalteleko txirrindularia azkenik laugarren izan zelarik.

Gainontzeko sailkapenen garaileak honakoak izan ziren: Alessandro Petacchi puntukakoan, Anthony Charteau mendikoan, RadioSchack taldekakoan eta Sylvain Chavanel lehiakortasunarenean. Aurreko urtean bezala, Mark Cavendish britainiarra izan zen etapa gehien irabazi zituena, bostekin, guztiak esprintean.

Partehartzaileak[aldatu | aldatu iturburu kodea]

Baieztatutako 16 talde zeuden 2008tik, hauek oraindik jarraitzen zuten 2008ko UCI ProTour mailako taldeak ziren. Ondoren, 2010eko UCI ProTour mailako Team RadioSchack taldeak ere toki finkoa zuela eta edizio honetan 22 taldek parte hartuko zutela ere iragarri zen (talde kopuru honetara ez zen iristen 2003ko ediziotik). Azkenik, martxoak 30ean iragarri ziren 22 talde horiek osatzeko falta ziren bost taldeak. Hauek Profesional Kontinental mailako Garmin-Transitions, BMC Racing Team, Sky Professional Cycling Team, Team Katusha eta Cervélo Test Team izan ziren, hala, 2010eko ProTour mailako talde guztiak gonbidatuz. Horregatik, kanpoan geratu ziren gonbidatua izateko itxaropena zuten taldeak, Skil-Shimano eta Vacansoleil Pro Cycling Team herbeheretarrak kasu, Tourra Herbehereetan hasten baitzen eta, mailagatik, sar zitekeen eta gonbidatzek geratu zen Saur-Sojasun talde frantziarra, egoera berean kanpoan geratu ziren azken talde frantziarrak Agritubel eta R.A.G.T. Semences izan ziren [[2005eko Frantziako Tourra|2005eko Frantziako Tourrean izan ziren.

Hautaketa honen ondoren, itzulian 22 taldek parte hartu zuten: ProTour mailako 18 taldeek eta Profesional Kontinental mailako 4k (Bouygues Telecom, BMC Racing Team, Cervélo Test Team eta Cofidis. Hala, hasiera batean, 198 txirrindulariko pelotoi bat osatuz, ondoren 197 izan zirena, Xavier Florencio kanporatua izan ondoren, talde bakoitzeko 9 txirrindulari egon zirelarik, batean izan ezik, proba 8rekin hasi zuena (lasterketa profesionaletarako ezarritako 200 txirrindulariko mugatik gertu), horietatik, proba 170ek amaitu zirelarik. Talde guztiak honakoak izan ziren:

Taldea Kodea.

UCI

Maila Taldeko liderra
 Kazakhstan Astana AST UCI ProTour  Espainia Alberto Contador
 DEN Team Saxo Bank SAX UCI ProTour  Luxenburgo Andy Schleck
 AEB Team RadioShack RSH UCI ProTour  AEB Lance Amstrong
 Erresuma Batua Sky Professional Cycling Team SKY UCI ProTour  Erresuma Batua Bradley Wiggins
 Italia Liquigas LIQ UCI ProTour  Italia Ivan Basso
 Txekia Roman Kreuziger
 AEB Garmin-Transitions GRM UCI ProTour  AEB Christian Vande Velde
 AEB Tyler Farrar
 Frantzia FDJ FDJ UCI ProTour  Frantzia Christophe Le Mevel
 Frantzia Sandy Casar
 Errusia Team Katusha KAT UCI ProTour  Errusia Vladimir Karpets
 Espainia Joaquim Rodríguez
 Frantzia Ag2r-La Mondiale ALM UCI ProTour  Irlandako Errepublika Nicolas Roche
 Frantzia John Gadret
 Italia Rinaldo Nocentini
 Suitza Cervélo Test Team CTT Profesional Kontinental  Espainia Carlos Sastre
 Belgika Omega Pharma-Lotto OLO UCI ProTour  Belgika Jurgen Van Den Broeck
 AEB Team Columbia-HTC THR UCI ProTour  Erresuma Batua Mark Cavendish
 Belgika Maxime Monfort
 Australia Michael Rogers
 AEB BMC Racing Team BMC Profesional Kontinental  Australia Cadel Evans
 Belgika Quick Step QST UCI ProTour  Frantzia Sylvain Chavanel
 Italia Team Milram MRM UCI ProTour  Alemania Linus Gerdemann
 Alemania Gerald Ciolek
 Frantzia Bbox Bouygues Télécom BBO Profesional Kontinental  Frantzia Thomas Voeckler
 Espainia Caisse d'Epargne GCE UCI ProTour  Espainia Luis León Sánchez
 Frantzia Christophe Moreau
 Frantzia Cofidis, le Crédit en Ligne COF Profesional Kontinental  Estonia Rein Taaramäe
 Euskadi Euskaltel-Euskadi EUS UCI ProTour  Espainia Samuel Sánchez
 Herbehereak Rabobank RAB UCI ProTour  Errusia Denis Menxov
 Herbehereak Robert Gesink
 Italia Lampre-Farnese Vini LAM UCI ProTour  Italia Damiano Cunego
 Espainia Footon-Servetto FOT UCI ProTour  Italia Eros Capecchi
 Euskadi Arkaitz Durán


Aurrekoa
2009ko Frantziako Tourra
Frantziako Tourra
2010eko uztailak 3 eta 25 artean ospatua
Ondorengoa
2011ko Frantziako Tourra
Wikimedia Commonsen badira fitxategi gehiago, gai hau dutenak: 2010eko Frantziako Tourra Aldatu lotura Wikidatan