2022ko Eurovision Abesti Lehiaketa

Wikipedia, Entziklopedia askea


2022ko Eurovision Abesti Lehiaketa
Lehen finalerdia 2022ko maiatzaren 10
Bigarren finalerdia 2022ko maiatzaren 12
Finala 2022ko maiatzaren 14
Egoitza PalaOlimpico, Turin
Antolatzailea Radiotelevisione Italiana (RAI)
Partaide kopurua 41

2022ko Eurovision Abesti Lehiaketa urtero ospatzen den Eurovision Abesti Lehiaketaren 66. edizioa izango da. Turingo PalaOlimpico aretoan ospatuko da, Italiak 2021eko edizioa irabazi ondoren. Finalerdiak maiatzaren 10 eta 12an jokatuko dira, eta final handia maiatzaren 14an.[1]

41 herrialde dira parte hartzekoak, aurreko urtean baino bi gehiago. Armenia eta Montenegro aurreko edizioan huts egin ondoren bueltatzekoak dira.[2]

Kokapena[aldatu | aldatu iturburu kodea]

PalaOlimpico, lehiaketaren egoitza.

Italiak lehiaketa antolatuko duen hirugarren aldia izango da, herrialdeak 2021eko edizioa irabazi ondoren Måneskin taldearen eskutik. Aurretik Napolin (1965) eta Erroman (1991) egin zen ekitaldia.

Lizitazio prozesuan, hasiera batean 17 hirik aurkeztu zuten kandidatura ofiziala: Acireale, Alessandria, Bari[3], Bertinoro[4], Bolonia[5], Erroma[6], Florentzia[7], Genova, Jesolo[8], Matera, Milan, Palazzolo Acreide, Pesaro[9], Rimini[10], Sanremo[11], Trieste, Turin[12] eta Viterbo. Hasiera batean interesa aurkeztu bazuten ere, Napoli, Reggio nell'Emilia[13] eta Veronak azkenean ez zuten inolako proposamen ofizialik bidali. Hauetatik, hamaika hirik aurkeztu zuten proiektu ofiziala,[14] eta ondoren bost hautagai finalista aukeratu zituzten, Bolonia, Milan, Pesaro, Rimini eta Turin, besteak beste Erroma kanpoan utziz.[15] 2021eko urriaren 8an, Turingo PalaOlimpico aretoa hautatu zuten 2022ko egoitza bezala RAI italiar telebistak eta Europako Irrati-Telebista Batasunak. Pabilioi honek 13.300 pertsona har ditzake.

Formatua[aldatu | aldatu iturburu kodea]

Arauak[aldatu | aldatu iturburu kodea]

Aurreko edizioko saiakeraren ondoren, bigarren urtez, koristen ahotsentzako pista grabatua erabiltzea baimenduko da. Ahots nagusiak zuzenean kantatzeko derrigortasunak iraunean jarraitzen du.[16] Gainera, pandemia egoera aurreikusita, ordezkaritza guztiek aurretik grabatutako aktuazioa bidali beharko dute, abeslariak edo ordezkaritzak Covid-19aren eraginez isolatu behar izanez gero eta zuzenean abestea ezin izatekotan erreserbazko materiala izateko.

Eszenatokia[aldatu | aldatu iturburu kodea]

Eszenatoki-diseinua Atelier Francesca Montinaro estudioak burutuko du. Aurretik Sanremoko jaialdiaren 2013 eta 2019ko edizioetako eszenatokien kargu hartu zuen estudioak, leihaketa horretako nabarmenetarikoak kontsideratzen direnak. Lehen aldia izango da 2016tik Eurovisioneko lana Florian Wieder eszenografo alemaniarrak burutzen ez duela.[17]

Lehiaketa[aldatu | aldatu iturburu kodea]

Finalerdiak[aldatu | aldatu iturburu kodea]

Herrialdea Artista Abestia Euskarazko itzulpena Hizkuntza
 Albania Ronela Hajati "Sekret" Sekretua Albaniera, Ingelesa
 Armenia
 Australia 2022ko otsailak 26an hautatzeke 2022ko otsailak 26an hautatzeke
 Austria 2022ko urtarrilean aurkezteke
 Azerbaijan
 Belgika Jérémie Makiese
 Bulgaria Intelligent Music Project "Intention" Intentzioa Ingelesa
 Danimarka 2022ko martxoak 5ean hautatzeke 2022ko martxoak 5ean hautatzeke
 Errumania 2022ko martxoak 5ean hautatzeke 2022ko martxoak 5ean hautatzeke
 Errusia
 Eslovenia 2022ko otsailean hautatzeke 2022ko otsailean hautatzeke
 Estonia 2022ko otsailak 12an hautatzeke 2022ko otsailak 12an hautatzeke
 Finlandia 2022ko otsailak 26an hautatzeke 2022ko otsailak 26an hautatzeke
 Georgia Circus Mircus
 Grezia Amanda Tenfjord
 Herbehereak S10 Nederlandera
 Ipar Mazedonia
 Irlanda
 Islandia 2022ko martxoak 5ean hautatzeke 2022ko martxoak 5ean hautatzeke
 Israel 2022ko otsailean hautatzeke 2022ko otsailean hautatzeke
 Kroazia 2022ko otsailean hautatzeke 2022ko otsailean hautatzeke
 Letonia 2022ko otsailean hautatzeke 2022ko otsailean hautatzeke
 Lituania 2022ko otsailak 12an hautatzeke 2022ko otsailak 12an hautatzeke
 Malta 2022ko otsailean hautatzeke 2022ko otsailean hautatzeke
 Moldavia 2022ko martxoak 5ean hautatzeke 2022ko martxoak 5ean hautatzeke
 Montenegro Vladana "Breathe" Arnastu Ingelesa
 Norvegia 2022ko otsailak 19an hautatzeke 2022ko otsailak 19an hautatzeke
 Polonia 2022ko urtarrilak 15ean aurkezteke 2022ko urtarrilak 15ean aurkezteke
 Portugal 2022ko martxoak 12an hautatzeke 2022ko martxoak 12an hautatzeke
 San Marino 2022ko otsailak 19an hautatzeke 2022ko otsailak 19an hautatzeke
 Serbia 2022ko otsailean hautatzeke 2022ko otsailean hautatzeke
 Suedia 2022ko martxoak 12an hautatzeke 2022ko martxoak 12an hautatzeke
 Suitza
 Txekia We Are Domi "Lights Off" Argiak itzalita Ingelesa
 Ukraina 2022ko otsailean hautatzeke 2022ko otsailean hautatzeke
 Zipre

Finala[aldatu | aldatu iturburu kodea]

Herrialdea Artista Abestia Euskarazko itzulpena Hizkuntza
 Alemania 2022ko martxoan hautatzeke 2022ko martxoan hautatzeke
 Erresuma Batua
 Espainia 2022ko urtarrilaren 29an hautatzeke 2022ko urtarrilaren 29an hautatzeke
 Frantzia
 Italia 2022ko otsailak 5ean hautatzeke 2022ko otsailak 5ean hautatzeke

Beste herrialdeak[aldatu | aldatu iturburu kodea]

  •  Andorra: 2020ko abuztuaren 1ean, 2009ko ordezkaria izan zen Susanne Georgik Andorrako lehendakariarekin etorkizun hurbilean Eurovisionera bueltatzea adostu zuela aitortu zuen. Hala ere, Andorrako Irrati-Telebistak (RTVA) 2022ean ez zuela parte hartuko adierazi zuen.
  •  Bielorrusia: 2021eko maiatzaren 28an, EBUk Bielorrusiar Irrati Telebistaren (BTRC) kidetza bertan behera uztea adostu zuen, hedabidea 2020ko gobernu-krisian Bielorrusiar gobernuaren aldeko propaganda transmititzeko erabili zelakoan. BTRCri bi aste eman zitzaizkion erantzuteko, baina honen isiltasunaren aurrean, uztailaren 1ean haien suspentsioa indarrean sartu zen. Honen arabera, hedabideak ezingo du EBUk antolatutako ebentoetan parte hartu ezta hauek erretransmititu ere 3 urtez, hau da, 2024ko uztailaren 1era arte. Honek, beraz, Bielorrusiaren Eurovisioneko partaidetza ezintzen du.
  •  Bosnia-Herzegovina: 2021eko ekainean, Bosnia eta Herzegovinako Irrati Telebistak (BHRT) datozen urteetan herrialdea bueltatzeko nahiko probabilitate gutxi zeudela aitortu zuen, arazo finantziarioak zirela eta. 2021eko urriaren 12an, 2022ko edizioan ez zutela parte hartuko konfirmatu zuten.
  •  Eslovakia: 2021eko ekainean, Eslovakiar Irrati Telebistak (RTVS) 2022ko leihaketan ez zutela parte hartuko konfirmatu zuen, finantziazio arazoak eta interes baxua argudiatuz.
  •  Hungaria: 2021eko urriaren 11an, MTVA-k (Hungariar telebistak) 2022ko A Dal programaren arauak aurkeztu zituen. Programa hau herrialdeak bere Eurovisioneko ordezkaria hautatzeko erabili da historikoki, eta herrialdeak Eurovision 2019an bertan behera utzi ondoren, Hungariar musika herrialdean promozionatzeko erabili da. Hala ere, arauek ez zuten Eurovision aipatzen, eta honen arauak apurtuko lituzketen kantak onartzen zituen. Azkenean, Hungaria ez zen ageri EBUk argitaratutako partaide zerrendan.
  •  Luxenburgo: 2021eko abuztuaren 28an, Luxenburgoko Irrati Telebistak (RTL) herrialdeak ez zuela 2022ko leihaketan parte hartuko konfirmatu zuen.
  •  Monako: 2021eko abuztuaren 30ean, Monakoko Telebistak (TMC) herrialdeak ez zuela 2022ko edizioan parte hartuko konfirmatu zuen. Hala ere, urte bereko abenduan, herrialdearen 2022ko aurrekontu ofizialak argitaratu ziren, eta bertan "Herrialdearen 2023ko Eurovisioneko partaidetza sustatzeko" 100.000€ bidaltzen ziren. Era berean, herrialdeak hedabide zerbitzu publiko berria sortuko zuela adierazi zen, Monte-Carlo Riviera izenekoa. Hau TV5 taldean sartuko litzateke, TMC ez bezala, guztiz France Télévisions-en propietate dena.
  •  Turkia: Nahiz eta 2021eko ekainean EBUk zein Turkiar Irrati Telebistako (TRT) zuzendari orokorrak Eurovisionera bueltatzeko elkarrizketetan egotea konfirmatu zuten, Turkia ez zen partaide-zerrenda ofizialean ageri.

Erreferentziak[aldatu | aldatu iturburu kodea]

  1. (Ingelesez) «Turin, Italy, to host the 66th Eurovision Song Contest in May 2022» Eurovision.tv 2021-10-08 (Noiz kontsultatua: 2021-10-12).
  2. (Ingelesez) «REVEALED: the 41 countries joining Eurovision in Turin 2022» Eurovision.tv 2021-10-20 (Noiz kontsultatua: 2021-10-20).
  3. (Italieraz) redazione. (2021-05-29). «Bari pensa a candidarsi per l'Eurovision 2022, il Comune valuta i requisiti richiesti» BORDERLINE24.COM - Il Giornale online aggiornato 24 ore su 24 su politica, cronaca, sport, spettacoli, musica, cultura, inchieste, rubriche (Noiz kontsultatua: 2021-12-18).
  4. (Italieraz) eurofestival. Eurovision 2022, Bertinoro si candida con Forlì e Cesena "a nome di tutta la Romagna". (Noiz kontsultatua: 2021-12-18).
  5. (Ingelesez) Granger, Anthony. (2021-07-12). «🇮🇹 Eurovision 2022: Bologna Submits Bid to Host Eurovision» Eurovoix (Noiz kontsultatua: 2021-12-18).
  6. (Italieraz) «Eurovision 2022 in Italia, Raggi candida Roma: "È il palcoscenico perfetto"» RomaToday (Noiz kontsultatua: 2021-12-18).
  7. (Italieraz) Fiorentino, Redazione Corriere. (2021-05-24). «Firenze, Nardella candida la città a ospitare l’Eurovision del 2022: «Ci proveremo concretamente»» Corriere Fiorentino (Noiz kontsultatua: 2021-12-18).
  8. (Italieraz) Rossini, Federico. Eurovision 2022: anche Jesolo si candida a ospitare la rassegna. (Noiz kontsultatua: 2021-12-18).
  9. (Italieraz) eurofestival. Dopo Torino, ecco Pesaro: candidatura ufficiale per ospitare l'Eurovision 2022. (Noiz kontsultatua: 2021-12-18).
  10. (Italieraz) «Gnassi lancia la sfida: "A Rimini l'edizione 2022 dell'Eurovision"» RiminiToday (Noiz kontsultatua: 2021-12-18).
  11. (Italieraz) «Eurovision 2022, il governatore Toti accoglie la proposta del sindaco Biancheri: «Deve essere a Sanremo»» Riviera24 2021-05-24 (Noiz kontsultatua: 2021-12-18).
  12. (Italieraz) «Torino si candida ufficialmente per l’Eurovision del 2022» La Stampa 2021-07-09 (Noiz kontsultatua: 2021-12-18).
  13. (Italieraz) «Eurovision, Vecchi: "Candidiamo Reggio e la Rcf Arena per la finale 2022"» Reggionline -Telereggio - Ultime notizie Reggio Emilia 2021-05-23 (Noiz kontsultatua: 2021-12-18).
  14. Eurovision 2022, ecco le undici città italiane che hanno presentato i loro progetti
  15. Eurovision 2022: Five Cities Remain in Contention to Host Eurovision
  16. Eurovision 2022: Pre-Recorded Backing Vocals Remain After Trial in Rotterdam
  17. Eurovision 2022 stage will be created by Italian designers Atelier Francesca Montinaro

Kanpo estekak[aldatu | aldatu iturburu kodea]