617 Patroclo

Wikipedia(e)tik
Hona jo: nabigazioa, Bilatu

617 Patroclo asteroide gerrikoan aurkitutako 617. asteroidearen izena da. 1906ko urriak 17an aurkitu zuen August Kopff astronomo alemaniarrak Heidelbergeko behatokitik. Bere behin-behineko izena 1906 VY zen.

Johann Palisak iradokitako izena da, greziar mitologiako Patroklo pertsonaiagatik, Akilesen laguna zena eta Hektorrek hil zuena. Aipaturiko beste bi pertsonaiek ere badute euren izeneko asteroide bana, 588 Aquiles eta 624 Hector.

Patroklo Eguzki-Jupiter sistemako L5 Lagrangen puntuan kokatua dago, eta asteroide troiairren artean ilargi handi bat duen lehen asteroide ezaguna da. Biak, asteroidea zein bere ilargia antzerako tamainakoak dira, dizdiran ezberdintzen direlarik, 0,2 magnitude inguruan. Ilargi hau 2001eko irailak 22ko arratsaldeko ordu biak aldera aurkitu zen Hawaiiko Mauna Keako behatokitik Gemini North teleskopioarekin, 8,1 metroko zabalera duena. Aurkitzaileak Southwest Research Instituteko W. J. Merline, Arizonako Unibertsitateko L. M. Close eta N. Siegler eta Hawaiiko unibertsitateko D. Potter izan ziren.


Aurrekoa
616 Elly
Asteroidea
1906ko urriak 17an aurkitua
Ondorengoa
618 Elfriede