Abdou Diouf

Wikipedia, Entziklopedia askea
Jump to navigation Jump to search
Abdou Diouf
Abdou Diouf.jpg
Afrikar Batasuneko presidente

1992-06-29 - 1992-06-28
Ibrahim Babangida Itzuli - Hosni Mubarak
Afrikar Batasuneko presidente

1985-07-18 - 1986-07-28
Julius Nyerere - Denis Sassou-Nguesso
2. Senegalgo presidentea

1981-01-01 - 2000-04-01
Léopold Sédar Senghor - Abdoulaye Wade
2. Senegalgo lehen ministro

1970-02-26 - 1980-12-31
Mamadou Dia Itzuli - Habib Thiam Itzuli
Bizitza
Jaiotza Louga1935eko irailaren  7a (84 urte)
Herrialdea  Senegal
Hezkuntza
Heziketa Pantheon-Sorbonne University Itzuli
Cheikh Anta Diop University Itzuli
Hizkuntzak frantsesa
Jarduerak
Jarduerak politikaria eta abokatua
Jasotako sariak
Sinesmenak eta ideologia
Erlijioa sunismoa
Alderdi politikoa Socialist Party of Senegal Itzuli

Abdou Diouf (Louga, Senegal, 1935eko irailaren 7a) politikaria eta legelaria da. 1970etik aurrera lehen ministroa izan zen, Léopold Sédar Senghorren gobernuan. 1981eko urtarrilaren 1ean, Senghorrek kargua utzi baitzuen, Senegalgo presidente bihurtu zen. 1983, 1988 eta 1993ko hauteskundeak irabazi zituen, baina 2000ko martxoaren 19ko bozketan Abdoulaye Wadek garaitu zuen. Ordutik Parisen bizi da. Frankofoniaren Nazioarteko Erakundeko idazkari nagusia da.

Bizitza[aldatu | aldatu iturburu kodea]

Abdou Diouf, 1988an.

Zuzenbideko eta Politika Zientzietako ikasketak egin zituen, Dakarko Unibertsitatean eta Parisen. 1960an itzuli zen Senegala, herrialdeak independentzia eskuratu berri zuela, eta hango administrazioan hasi zen lanean. Hogeita bost urterekin, gobernuaren idazkari nagusiaren laguntzaile hartu zuten, eta Nazioarteko Lankidetza Teknikorako zuzendari izendatu zuten. Aurrerago, 1961ean, Defentsa Ministerioko idazkari nagusi izatera igaro zen. Urte hartan bertan Senegalgo Batasun Progresistan sartu zen, eta idazkari laguntzaile izendatu zuten. Sine Salnum eskualdeko gobernadore izendatu zuten 1962an, eta gobernuko lehendakariaren kabineteko zuzendari, hurrengo urtean. Halaber, gobernuko idazkari nagusi izan zen 1964 eta 1965ean, eta Plangintza eta Industriako ministro 1968tik aurrera. Bi urte geroago Senegalgo lehen ministro izendatu zuten.

Léopold Sédar Senghor lehendakariaren konfiantzako gizona izanik, hark estatuko buruzagitza utzi zuenean, Dioufek hartu zuen haren lekua, 1981eko urtarrilaren 1ean. Aldi berean, Senegalgo Alderdi Sozialistaren Idazkaritza Nagusia bereganatu zuen. 1982an Senegalen eta Gambiaren arteko konfederazioko lehendakari izendatu zuten. 1983ko maiatzeko hauteskundeetan Alderdi Sozialistak botoen % 80 baino gehiago eskuratu zituelarik, Diouf herrialdeko lehendakaritzan berretsi zuten. Bost urte geroago, 1988an, lehendakaria eta Legebiltzarreko 120 kideak hautatzeko hauteskundeak egin ziren, eta berriro irabazle izan zen, gehiengo osoz.

Hurrengo egunean, Dioufen aurkako oposizioko kideek Dakarren eragin zituzten istilu larriak zirela eta, salbuespen egoera ezarri zuen eskualde osoan. 1989ko abuztuan Mauritaniarekin harreman diplomatikoak hautsi zituela iragarri zuen, herrialde hartatik Senegalgo enbaxadorea egotzi zutelako. Ginea Bissaurekin ere Senegalek muga arazoak ditu, eta 1990eko maiatzean borroka armatuak gertatu ziren bi herrialdeen artean. 1990eko irailean, Dioufek gudarostea Persiako golkora bidaltzeko asmoa iragarri zuen, Saudi Arabiari laguntzearren, baina oposizioak gogor kritikatu zuen erabaki hura, Casamanceko eskualdean, hegoaldean, istilu larriak gertatzen ari zirelako, eta soldadu asko hara bidaliak izan zirelako.

1985ean urtebeterako Afrikar Batasuneko Erakundeko lehendakari hautatu zuten; eta berriz ere 1992an, orobat urtebeterako.

Erreferentziak[aldatu | aldatu iturburu kodea]

Wikimedia Commonsen badira fitxategi gehiago, gai hau dutenak: Abdou Diouf Aldatu lotura Wikidatan