Absenta (Degas)

Wikipedia, Entziklopedia askea
Jump to navigation Jump to search
Absenta (Degas)
Edgar Degas - In a Café - Google Art Project 2.jpg
Jatorria
Sortzailea Edgar Degas
Sorrera-urtea 1875
Jatorrizko izenburua In a Café
Ezaugarriak
Materiala(k) olio-pintura eta mihisea
Zabalera 680 milimetro
Altuera 920 milimetro
Genero artistikoa genero-artea
Egile-eskubideak jabetza publiko
Deskribapena
Kokapena
Lekua Orsay museoa
Bilduma Orsay museoa
Inbentarioa RF 1984
Historia
Erakusketak 2nd impressionist exhibition (en) Itzuli
Pertsonaien isolamendua margolanaren hutsuneetan adierazten da.

Absenta (frantsesez: L’Absinthe) , baita ere Dans un café 1875etatik 1876ra, Parisen, Edgar Degas margolari frantsesak egin zuen margolan ospetsu eta, bere garaian, polemikoa da. Gaur egun Orsay museoan ikus daiteke.

Deskribapena[aldatu | aldatu iturburu kodea]

Margolanak bi irudi erakusten ditu, emakume bat eta gizona hurrenez hurren. Gizonak, txapela jantzita, eskuinera begira dago, iruditik kanpora, eta emakumea, formalki janzkeraz eta kapelaz jantzita, galduta bezala, beheruntz begira dago. Emakumearen aurrean likido berdez betetako edalontzia dago, absenta, margolanari izena ematen dion edaria. Emakumea Ellen André aktorea da, eta gizona Marcellin Desboutin margolaria eta inprimatzailea da.

Biak, emakumea zein gizona, absentaren kontsumoaren ondorioz intoxikatuta daude. Absenta graduazio handiko likorra da alkohol eduki handia (65º eta 89,9° bitartekoa). Belar desberdinekin egiten da, bereziki Artemisia absinthium. Garai hartako Europako biztanleen artean oso zabaldua zen baina ondorio gogorrak zituen eta, horregatik, herrialde askotan debekatua izan zen.

Degasek edatearen eraginak bikotearengan nabarmentzen du: zorabiatuta daude, isolamenduan eta marjinazioan. Pertsonaiak isolamendua margolanaren hutsunean adierazten da.

Gaia[aldatu | aldatu iturburu kodea]

Edgar Degasen margolan hau Parisko Pigalle plazako Nouvelle Athènes Kafetegian. Margolaria askotan joaten zen kafetegi horretara; gazte garaietan nahiako zuen Guerbois Kafetegia.​[1]

Kritikak[aldatu | aldatu iturburu kodea]

Lana inpresionisten bigarren erakusketan aurkeztu zen, 1876an. Han oso kritika gogorrak jaso zituen, batez ere itsusia eta nazkagarria zelako. Urtetan biltegi batean gordeta egon zen, 1892 arte; urte horretan berriro ere publikoan erakutsi zen eta, orduan ere, oso harrera txarra izan zuen. 1893an Ingalaterran erakutsi zen, ordurako L'Absinthe izenburuaz, eta polemika handia eragin zuen. Arte kritikari askoten ustez bertan jasotako pertsonak degeneratuak eta desatseginak ziren. Askoren ustez moralaren aurkako benetako erasoa zen, esaterako William Blake Richmond eta Walter Craneren iritiziz. Viktoriar Aroaren ingeles askok susmopean hartzen zuen Frantziatik heldutako margolaritzaren joera berriak; hori Barbizongo eskolaren margoekin ere hasi zen gertatzen. Ingalaterrako ikusleek lanatik moralaren inguruko lezioa atera zuten lanatik, absenta eta alkoholaren aurkako adierazpena.

Picassoren omenaldia[aldatu | aldatu iturburu kodea]

Pablo Picassok margolan hau omendu zuen bere La Buveuse d'absinthe margolanarekin, 1901ean egina.[2]

Erreferentziak[aldatu | aldatu iturburu kodea]

  1. Christa von Lengerke, «Del Impresionismo al Art Nouveau», Los maestros de la pintura occidental, Taschen, 2005, 494 or, ISBN 3-8228-4744-5
  2. La Buveuse d'absinthe Hermitage museoa, San Petersburgon.

Kanpo estekak[aldatu | aldatu iturburu kodea]