Abugida

Wikipedia, Entziklopedia askea
Devanagariz idatzitako XIX. mendeko testua.

Abugidak, halaber alfasilabarioak edo alfabeto silabioak izenez ezagunak, idazteko sistemak dira, Afrikan eta Asian bereziki erabiliak. Karakter kontsonantikoak eta bokalikoak dituzte, baina haien antolaketa ez da alfabetoena bezalakoa: kontsonante bakoitzak berezko bokal bat darama, normalean /a/; horrela, kontsonantearen grafia egina, aldi berean, bokala ere ulertzen da. Zeinu diakritikoak erabiliz, ohiko konbinaketak alda daitezke: era horretan, kontsonante berarekin beste bokal bat adierazten da edo kontsonantea bakarrik. Adibidez, devanagari idazkeran:[1]

  • K = /ka/ =  ;
  • Ki = /ki/ =

Abugida hitza Peter T. Danielsek (New Jersey, 1951) sortu zuen. Hitza idazkera etiopiarretik jaso omen zuen, horretarako lehendabiziko lau karakterrak erabiliz.[2]

Idazkera horien multzo nagusia familia braminikako hizkuntzetakoa da, Indian eta Asiako Hego-ekialdean; Etiopian ere halako idazkera darabilten hizkuntzak daude.

Erreferentziak[aldatu | aldatu iturburu kodea]

  1. http://www.omniglot.com/writing/devanagari.htm
  2. Ha, La, Ha or Hoi, Lawe, Haut: The Ethiopic letter names. In Fs. Wolf Leslau. Arrassowitz, 1991.

Kanpo estekak[aldatu | aldatu iturburu kodea]

Ikus, gainera[aldatu | aldatu iturburu kodea]