Ahmed al-Txaraa
| Ahmed al-Txaraa | |||||
|---|---|---|---|---|---|
.jpg) | |||||
2025eko urtarrilaren 29a -
2024ko abenduaren 8a - 2025eko urtarrilaren 29a | |||||
| Bizitza | |||||
| Jaiotzako izen-deiturak | أحمد حسين الشرع | ||||
| Jaiotza | Riad, 1982ko urriaren 29a (42 urte) | ||||
| Herrialdea |  Siria | ||||
| Bizilekua | Presidential Palace, Damascus (en)  | ||||
| Lehen hizkuntza | arabiera | ||||
| Familia | |||||
| Aita | Hussein al-Sharaa | ||||
| Ezkontidea(k) | Latifa al-Droubi (en) | ||||
| Haurrideak | ikusi
| ||||
| Hezkuntza | |||||
| Hizkuntzak | arabiera | ||||
| Jarduerak | |||||
| Jarduerak | iraultzailea eta politikaria | ||||
| Lantokia(k) | Siria | ||||
| Kidetza | Hayat Tahrir al-Sham (en) al Kaida Al-Nusra frontea Jabhat Fateh al-Sham (en) | ||||
| Izengoitia(k) | أبو محمد الجولاني | ||||
| Zerbitzu militarra | |||||
| Gradua | Emir | ||||
| Parte hartutako gatazkak | Irakeko Gerra Iraqi insurgency (en) Siriako Gerra Zibila | ||||
| Sinesmenak eta ideologia | |||||
| Erlijioa | sunismoa | ||||
 | |||||
Ahmed Hussein al-Txaraa (arabieraz: أحمَد حُسين الشرع, Aḥmad Ḥusayn al-Shara; Riad, Saudi Arabia, 1982), gerra-izenez Abu Mohammad al-Golani (arabieraz: أبو محمد الجولاني, ʾAbū Muḥammad al-Jawlānī) deitua, siriar buruzagi jihadista da, 2017tik aurrera Hay'at Tahrir al-Sham (HTS) erakundeko emirra dena.
Biografia
[aldatu | aldatu iturburu kodea]Bere aita ekonomista zen, eta Saudi Arabiako Petrolio Ministerioan egiten zuen lan. Alta, gerora, Damasko hiriburuko Mezzeh auzoan hezi zen. Medikuntza ikasketak egin zituen, baina ez zituen amaitu.[1]
Ekialde Hurbileko Middle East Eye albiste agentziaren arabera, 2001eko irailaren 11ko atentatuen ondotik egin zen jihadista. 2003an, Ameriketako Estatu Batuek Irak inbaditu ostean, muga zeharkatu eta bertako Al-Qaedako adarrarekin bat egin zuen. Bertan atxilotu egin zuten, eta bost urte egin zituen preso —tartean, Abu Graib presondegian, non AEBetako indarrek presoak torturatu zituzten—.[1]
2011ko martxoan, Udaberri Arabiarra deituriko matxinaden testuinguruan, Baxar al-Assaden aurkako matxinada hasi zuten Sirian, eta jaioterrira itzuli zen Al-Golani. Orduan sortu zuen Al-Nusra frontea, Siriako Al-Qaedaren adarra. Talde horrek oso metodo bortitzak erabili ditu Sirian egindako atentatuetan. Eraso suizida ugari egin zituen Siriako armadaren aurka. Orduan hartu zuen Abu Mohammad al-Golani gerra izena. 2021ean, PBS AEBetako telebista publikoari emandako elkarrizketa batean azaldu zuen izen horrek erreferentzia egiten diola Golango gainetan bere familiak dituen erroei: 1967an, Israelek ordoki hori bere gain hartu ondotik, eremua uztera behartu zuten aitaren sendia.[1]
AEBek ezarritako «terroristen zerrenda» barruan dago 2013tik, eta, 2017an, AEBetako Gobernuak prezioa jarri zion hari buruzko informazioa errazten zionari: hamar milioi dolar. Irakek aginduta, Al-Assaden gobernua erorarazi eta Sirian xaria —lege islamikoa— ezarri nahi izatea egozten zion garai hartan Washingtonek.[1]
2016an loturak hautsi zituen Al-Qaedarekin, eta 2017an ekin zion Siria ipar-mendebaldean ziren indar islamisten HTS koalizioa sortzeari. Urteotan guztiotan, haren indarren mende egon diren lurretan, Idlib eskualdean, giza eskubideen aurkako eraso larriak egin direla salatu dute bertan bizi diren herritarrek eta giza eskubideen aldeko taldeek. Xaria inposatu dute, eta, kasurako, emakumeak harrika hil dituzte, eta euren arerioak erail. Nazio Batuen Erakundeak gerra krimen gisa izendatu ditu HTSk egindako hainbat ekintza.[1]
Erreferentziak
[aldatu | aldatu iturburu kodea]Kanpo estekak
[aldatu | aldatu iturburu kodea]| Autoritate kontrola |
|
|---|
Datuak: Q7934206
Multimedia: Ahmed al-Sharaa / Q7934206
 |
Artikulu hau Siriako biografia baten zirriborroa da. Wikipedia lagun dezakezu edukia osatuz. |