Aia-Orioko geltokia

Aia-Orio
	Geltokiaren eraikina.
	Kokapen mapa
Lineak
Kokapena
Helbidea	Aita Lertxundi kalea, 40; 20810
Udalerria	Orio, Gipuzkoa
Geltokiaren datuak
Gunea	3. gunea
Irekiera	2010eko urriaren 18a
Irisgarria
Zerbitzuak
Aldageltokia
Nasak	1
Trenbideak	2
Jabea	Euskal Trenbide Sarea
Eragilea	Eusko Trenbideak
Garraio zerbitzuak
EuskoTren	Bilbo ↔ Donostia ; Zumaia ↔ Donostia
Lurraldebus	UK08 Zarautz - Aia - Orio

43°16′27″N 2°07′33″W / 43.27428°N 2.125753°W

Aia-Orio Euskotren Trena eragilearen E1 eta 1K lineei dagokien lurgaineko geltokia da, Orio udalerrian kokatuta dagoena. Gaur egungo geltokia 2010eko urriaren 18an ireki zen, Aia-Orioko trenbide saihesbidea martxan jartzearekin batera,^[1] eta Mugi sistemaren 3. tarifa-gunearen barruan dago.

Geltokia trenbideen azpian dagoen bestibuludun eraikinez eta nasa zentral batez hornituta dago.

Sarbideak

Geltokiak bi sarbide ditu, eskailera zein igogailu bidezkoak.

Aita Lertxundi kalea, 40
Aita Lertxundi kalea, 41

Geltoki berria

Geltoki berria Aia-Orioko trenbide saihesbidea martxan jartzearekin batera ireki zen 2010ean. Saihesbidea gauzatzeko lanen barruan 1.635 metro trenbide bikoiztu ziren, pasonibel bat ezabatu eta geltoki berria eraiki ziren.^[1]

Geltokia biaduktu baten gainean dago, Euskal Autonomia Erkidegoan luzeena metro bateko zabaleradun trenbide sareari dagokionez. Biaduktuaren behean autobus geltokia, doako aparkalekua eta komun publikoak daude, eta geltokirako bi sarbide, bata igogailu eta bestea eskailera bidez.

Aparkalekuaren gainean eta trenbidearen azpitik geltokiaren eraikina dago, pasabide baten bitartez errepidea salba daitekela. Errepidearen kontrako aldean beste bi sarbide daude, igogailuz eta eskaileraz hornituta.

Geltokiaren eraikinaren gainean trenbideak eta 80 metro luze den nasa zentrala daude.