Aimar Olaizola

Aimar Olaizola
	; Irudi gehiago
Bizitza
Jaiotza	Goizueta, 1979ko azaroaren 13a (43 urte)
Herrialdea	Nafarroa Garaia, Euskal Herria
Lehen hizkuntza	euskara
Hezkuntza
Hizkuntzak	euskara; gaztelania
Jarduerak
Jarduerak	esku huskako pilotaria
Pilota
Enpresa	Baiko Pilota
Debuta	1988ko apirilaren 12a
Posizio edo espezialitatea	aurrelaria
Pisua	87 kilogramo
Altuera	1,83 metro
Jasotako sariak	ikusi Nafarroako Kirolaren Urrezko Domina (2021) ;

Aimar Olaizola Apezetxea,^{[oh 1]} pilota arloan Olaizola II.a deituraz ezaguna (Goizueta, Nafarroa Garaia, 1979ko azaroaren 13a) esku huskako pilotari profesional ohia da. Aurrelari aritzen zen, Baiko Pilota enpresarekin. Esku huskako pilotako lehiaketa nagusietan (buruz burukoa, binakakoa eta lau eta erdikoa) Aimar Olaizola da irabazlearen txapel gehien jantzi dituena, jardunean diren pilotarien artean: hamalau txapel, guztira. Esku huskako inoizko pilotari guztien zerrendan, 20 txapel jaso zituen Julian Retegi handia baizik ez da gorago ageri titulu kopuruari dagokionez. Olaizola da historian final gehien jokatu duen pilotaria. Aimarren kirol ibilbideko joko boladarik onena, 2011, 2012 eta 2013. urteetan izan da.

Olaizola II.aren ezaugarri nabarmenenetakoak dira ezker gantxo ikaragarria eta defentsa, baina postura guztiak ezin hobeto kontrolatzen ditu, ezkerrarekin batez ere. Ezagunak dira Juan Martinez de Irujoren aurka jokatu dituen partida ikusgarriak, buruz buru bereziki; izan ere, esku huska, Irujo eta Olaizola dira pilotari nabarmenenak XXI. mendean. Aimar Olaizola Lau eta Erdiko Txapelketa Nagusian nabarmendu da gehien; Olaizolaren ezaugarrietara hobekien egokitzen den neurria da, horixe du txapelketarik gogokoena, eta bera da neurri horretan txapel gehien (zazpi) jantzi duen inoizko pilotaria.^[1]

Bilboko Bizkaia pilotalekuan 2021eko irailaren 15ean egindako prentsaurreko batean iragarri zuen pilota profesionaletik erretiroa hartuko zuela, azaroaren 13an.^[2]

Kirol lorpenak[aldatu | aldatu iturburu kodea]

Aimar Olaizola, 1991n.

Buruz buruko txapelduna: 2005, 2007, 2012 eta 2013.
- Buruz buruko txapeldunordea: 2003, 2006, 2009, 2011, 2015 eta 2018.
Lau eta erdiko txapelduna: 2002, 2004, 2005, 2008, 2011, 2012 eta 2013.
- Lau eta erdiko txapeldunordea: 2014.
Binakako txapelduna: 2008, 2011 eta 2016.
- Binakako txapeldunordea: 2003, 2006, 2009, 2014.
Bigarren mailako buruz buruko txapelduna: 1999.

Buruz Buruko Txapelketa Nagusiko finalak[aldatu | aldatu iturburu kodea]

Urtea	Txapelduna	Txapeldunordea	Emaitza	Pilotalekua
2003	Patxi Ruiz	Olaizola II.a	22-7	Atano III.a
2005	Olaizola II.a	Martinez de Irujo	22-18	Atano III.a
2006	Martinez de Irujo	Olaizola II.a	22-17	Atano III.a
2007	Olaizola II.a	Barriola	22-10	Atano III.a
2009	Martinez de Irujo	Olaizola II.a	22-12	Atano III.a
2011	Xala	Olaizola II.a	22-19	Bizkaia
2012	Olaizola II.a	Martinez de Irujo	22-7	Bizkaia
2013	Olaizola II.a	Martinez de Irujo	22-7	Bizkaia
2015	Urrutikoetxea	Olaizola II.a	22-19	Bizkaia
2018	Altuna III.a	Olaizola II.a	22-14	Bizkaia

Lau eta Erdiko Txapelketa Nagusiko finalak[aldatu | aldatu iturburu kodea]

Urtea	Txapelduna	Txapeldunordea	Tantoak	Pilotalekua
2002	Olaizola II.a	Barriola	22-13	Ogeta
2004	Olaizola II.a	Barriola	22-08	Ogeta
2005	Olaizola II.a	Xala	22-05	Atano III.a
2008	Olaizola II.a	Martinez de Irujo	22-17	Atano III.a
2011	Olaizola II.a	Martinez de Irujo	22-12	Bizkaia
2012	Olaizola II.a	Bengoetxea VI.a	22-9	Ogeta
2013	Olaizola II.a	Martinez de Irujo	22-16	Ogeta
2014	Martinez de Irujo	Olaizola II.a	22-17	Bizkaia

Binakako Txapelketa Nagusiko finalak[aldatu | aldatu iturburu kodea]

Urtea	Txapeldunak	Txapeldunordeak	Tantoak	Pilotalekua
2003	Koka - Beloki	Olaizola II.a - Pascual	22-15	Atano III.a
2006	Martinez de Irujo - Martinez de Eulate	Olaizola II.a - Zearra	22-11	Ogeta
2008	Olaizola II.a - Mendizabal II.a	Titin III.a - Laskurain	22-17	Ogeta
2009	Martinez de Irujo - Goñi III.a	Olaizola II.a - Mendizabal II.a	22-21	Atano III.a
2011	Olaizola II.a - Begino	Xala - Beroitz⁽¹⁾	22-14	Bizkaia
2014	Martinez de Irujo - Barriola	Olaizola II.a - Aretxabaleta	22-13	Bizkaia
2016	Olaizola II.a - Urrutikoetxea	Martinez de Irujo⁽²⁾ - Rezusta	16-10	Bizkaia
2020	Ezkurdia - Martija	Olaizola II.a - Urrutikoetxea	22-13	Bizkaia

⁽¹⁾ Finalean Beroitzek Barriola ordezkatu zuen, azken hori min hartuta zegoelako eta enpresek atzerapenik onartu ez ziotelako (nahiz eta 1990az geroztik izan diren finalista lesionatu guztiei atzerapena onartu zaien).
⁽²⁾ Irujok eskuin eskuko hatz luzea hautsi zuen 11-10ekoan, eta jarraitzen saiatu zen arren, bertan behera utzi zuen finala.^[3]

Bigarren mailako buruz buruko finalak[aldatu | aldatu iturburu kodea]

Urtea	Txapelduna	Txapeldunordea	Tantoak	Pilotalekua
1999⁽¹⁾	Olaizola II.a	Hirigoien	22-16	Astelena

⁽¹⁾ 1999an bigarren mailako buruz buruko bi txapelketa jokatu ziren, Aspe eta Asegarce enpresak ados jarri ez zirelako.

Oharrak[aldatu | aldatu iturburu kodea]

↑ Abizena Olaizola idaztea, euskal herritar horren aukera pertsonala da. Izan ere, Euskaltzaindiak, euskara baturako, Olaitzola onartu du deitura horren grafiatzat. Ikus Euskal Onomastikaren Datutegia.