Aita Donostia abesbatza

Wikipedia, Entziklopedia askea
Hona jauzi: nabigazioa, Bilatu
Aita Donostia abesbatza
AD Haize-orrazian.png
Datuak
Jatorria Donostiako Gaztedi elkartea
Egoitza Donostia, Gipuzkoa
Zuzendaria Javier Alberdi
Ahotsak abesbatza mistoa
Taldekideak 74
Urteak 1985 - ...

Aita Donostia Abesbatza Donostiako Gaztedi elkarteak 1985ean sortu zuen.

Aita Kaputxinoekin zeukan lotura zela eta, Aita Donostia musikologo, folklorista eta musikagile ezagunaren izena hartu zuen. Abesbatzaren lehenengo zuzendaria Aita Patxi Balenciaga izan zen.

Sortu zenetik aurrera Aita Donostia abesbatzaren lana gero eta handiagoa izan zen liturgietan parte hartzeaz eta elizkizunetan laguntzeaz aparte, kontzertuak eskaintzen zituen bai Donostian, eta bai Gipuzkoako hainbat herritan ere.

Beste abesbatza batzuekin ere harremanetan egon da eta elkartrukeak egin ditu, horri ezker beste komunitate batzuetan ere kontzertuak eskaini ditu: Errioxa, Kantabria, Madril, Asturias, Nafarroa, Huesca, Toledo, Aragoi, Leon, Bartzelona, eta abar. Atzerrira ere egin ditu bidaiak, eta horietan aipagarriak dira Castres-en (Frantzia) eskainitako kontzertua eta 2006an Argentinan zehar egindako bira.

Abesbatza lehiaketetan ere parte hartu du, kasurako: Ejea de los Caballeros, Autol, San Vicente de la Barquera, Aviles, Zumarraga, Benasque eta Arrigorriaga. Emaitza bikainak lortu ditu horietan, adibidez, 1993an Autol-en (Errioxa) lortu zuen lehenengo saria.

Bere zuzendaria den Javier Alberdik sustatutako Aita Donostia Musika-Astean hartzen du parte 1998tik aurrera. Aste horretan Euskal Herriko, penintsulako eta atzerriko beste abesbatza batzuekin batera eskaintzen ditu bere kontzertua. Hona hemen eskainitako pieza batzuk: XVIII. mendeko Misa Ferialis (anonimoa), Réquiem (G. Faure), Felipe Gorritiren Meza, Rossiniren Meza Txikia, eta Mozarten Koroatze-Meza.

2013an Javier Alberdi zen abesbatza hau osatzen zuten 74 ahots mistoen zuzendaria Talavera de la Reinan Musika Sakroaren XX. Zikloan parte hartu zuenean, Abesbatza Polifonikoen Topaketa Nazionalean.

Karl Jenkins musikagilearen The armed man lana plazaratu zuen 2014an. Lazkaoko Areria kulturgunean kantatu zuten lehen aldiz apirilaren 25an, Hain zuzen, obraren estreinaldiaren 14. urteurrenean.

Kanpo loturak[aldatu | aldatu iturburu kodea]