Alain (filosofoa)

Wikipedia(e)tik
Hona jo: nabigazioa, Bilatu
1914ko argazkia

Alain, Émile-Auguste Chartier izena zuena, (Mortagne-au-Perche, Orne, 1868ko martxoaren 3 - Le Vésinet, Yvelines, 1951ko ekainaren 2) filosofo eta saiogile frantsesa izan zen.

Biografia[aldatu | aldatu iturburu kodea]

Erruanen irakaslea izan zen hasieran, eta gero Parisen (1906). Propos (1906) obrarekin ezagutarazi zuen bere burua; haren pentsamenduaren ezaugarria halako humanismo kartesiarra da. Alainentzat filosofiak jakitaterako bidea izan behar du, hots, grinen, zentzuen, irudimenaren eta bihotzaren desordenak izpirituaren bidez jabetzeko modua. Filosofi sistema sortzaile baino areago, Alainek, Sokratesen ildotik, pentsamendu maisu eta hezitzailea izan nahi zuen. Haren jarrera politikoek erradikalismo liberal eta demokratikoaren barne kokatzen dute. Zenbait obra: Système des Beaux-Arts (Arte Ederren Sistema, 1920); Éléments d’une doctrine radicale (Doktrina erradikalerako elementuak, 1925); Propos sur le Bonheur (Zorionari buruzko gogoetak, 1928); Idées (Ideiak, 1932); Les Dieux. (Jainkoak, 1947).

Erreferentziak[aldatu | aldatu iturburu kodea]