Albiko katedrala

Albiko katedrala
	Cathédrale Sainte-Cécile d'Albi
	Monumentu historikoa
	Irudi gehiago
Kokapena
Estatu burujabe	Frantzia
Frantziaren banaketa administratiboa	metropolitar Frantzia
Eskualdea	Okzitania
Departamendua	Tarn
Barruti	Albiko barrutia
Frantziako udalerri	Albi
Koordenatuak	43°55′43″N 2°08′33″E / 43.9285°N 2.1426°E
Historia eta erabilera
Irekiera	1282 (egutegi gregorianoa)
Izenaren jatorria	Zezilia Erromakoa
Erlijioa	katolizismoa
Elizbarrutia	Roman Catholic Archdiocese of Albi, Castres and Lavaur (en)
Izena	Zezilia Erromakoa
Arkitektura
Materiala(k)	adreilua
Estiloa	gotiko baltikoa; arkitektura gotikoa
Dimentsioak	40 () × 30 () × 113,5 () m ;
Ondarea
Mérimée ID	PA00095453 eta IA81000300
Kontaktua
Helbidea	place Sainte-Cécile
	Webgune ofiziala

Santa Zeziliaren basilika-katedrala (frantsesez: Basilique Cathédrale Sainte-Cécile) Albi hiriko katedral katolikoa da, Albiko artxidiozesiaren egoitza dena. Hasieran Gurutzada Albitarraren ondoren eraiki zuten gotorleku moduan; eraikitze lanak 1282an hasi ziren eta 200 urtez iraun zuten. Katedrala adreiluzko eraikinik handienentzat hartzen dute.^[1]

2010ean UNESCOk Gizateriaren Ondare izendatu zuen.

Ondasun nabarmenak

Azken Judizioa irudikatzen duen organoaren azpian dagoen fresko nabarmena da bere gainazalagatik, bere kalitateagatik. Margolan erraldoi honek (1474-1484) jatorriz 200 metro koadro inguru hartzen zituen. Tenperaz margotuta, hiru erregistro ditu: Zerua, Lurra eta Infernua, non gaiztoek keinuak egiten dituzten zazpi bekatu nagusiei eskainitako ataletan. Obra hau XVIII. mendean hondatu zen hormaren erdian egin zuten irekidura batengatik, dorreko kapera baterako sarbidea ematen zuena,

Sabaiak ere ikusgarriak dira. Gangako freskoek (1509-1512), kolore aberatsak eta neurri apartekoak dituzte (97 metro luze eta 28 m zabal), eta guztiak Italiako Pizkundeko estilokoak dira, Frantziako handienak eta zaharrenetarikoak. Koruaren gaineko sabaia estaltzen duen kolore urdina "Frantziako urdina " da, "errege urdina" ere esan izan zaiona. Nabeko gangan laginak hartu zirenean, kolore hori lapis lazuli eta kobre oxidoa erabiliz ekoitzi zela ikusi zen, eta ziurrenik material onen aukeraketak azaltzen du gangaren kontserbazio egoera bikaina .

Katedralaren altxorrean gordetzen diren lanean artean, nabarmendu daitezke Ama Birjinaren eta Haurraren poliptikoa (dohaintza baten bidez bertara iritsitako erretaula italiarra) eta Albiko mapamundia.