Alde Zaharra (Oñati)

Oñatiko Alde Zaharra
Euskal Herria
Otadui Jausoro etxea
Kokapena
Herrialdea	Gipuzkoa
Udalerria	Oñati
Geografia
Koordenatuak	43°01′56″N 2°24′43″W

Oñatiko Alde Zaharra Gipuzkoako Oñati udalerriko herrigunea edo alde zaharra da. 2012an Eusko Jaurlaritzak multzo monumentala izendatu zuen Alde Zaharra. Jatorrizko herria XIII. mendekoa da eta inguru honetan egituratu zen: Kale Zaharra, San Anton kalea, Santa Marina Plaza eta Mendiko kalea, hau da, Zumeltzegi muinoaren inguruan.

Kultura Sailak Oñatiko Alde Zaharrak duen interes historikoa eta artistikoa baloratu zuen izendapen hori egiterako orduan. Eta besteak beste, monumentu historiko asko kontserbatzen dituela zehaztu zuten, adibidez, jauregiak, jauretxeak, etxetzarrak eta, tartean, hainbat erlijio-eraikin bikain, hiri bizitzako ehunka urte biltzen dituen egitura batean. Babes maila ezberdinak ezartzen ditu izendapenak, eraikinen garrantziaren arabera. Monumentu Multzoak bere baitan hartzen du, esaterako, Kale Zaharra, Kale Barria, Atzeko Kale, Santa Marina plaza eta horien inguruak.

Ondasun nabarmenak

Hauek dira nagusiak:

Eraikinak

• Antia jauregia
• Bidaurretako Santa Klara monasterioa
• Don Pedruenea etxea
• Lazarraga dorrea eta jauregia
• Hernani etxea
• Garibai dorretxea
• Oñatiko udaletxea
• Oñatiko Unibertsitatea
• Otadui Jausoro etxea
• Urain edo Zubiaur dorretxea
• Zumeltzegi dorrea

Kaleak

• Mikel Aozaraza sanduaren kalea

Plazak

• Foruen plaza (Oñati)
• San Anton plaza (Oñati)
• Santa Marina plaza (Oñati)

Iturriak

• Etxaluze iturria
• Iturritxo iturria
• Kanpantxo iturria
• Txaketua iturria
• Santa Marina iturria
• Plazakoa iturria
• San Anton iturria

Kanpo estekak

• Datuak: Q20492380