Alejandro de la Sota Martínez

Alejandro de la Sota Martínez
Bizitza
Jaiotzako izen-deiturak	Alejandro de la Sota Martínez
Jaiotza	Pontevedra, 1913ko urriaren 20a
Herrialdea	Espainia
Lehen hizkuntza	gaztelania
Heriotza	Madril, 1996ko otsailaren 14a (82 urte)
Familia
Aita	Daniel de la Sota
Hezkuntza
Heziketa	Madrilgo Unibertsitate Politeknikoa ; Madrilgo Arkitektura Goi Eskola Teknikoa
Hizkuntzak	gaztelania
Ikaslea(k)	ikusi Rafael Tamarit Pitarch (en) ;
Jarduerak
Jarduerak	arkitektoa
Lan nabarmenak	ikusi Municipal Sports Hall of Pontevedra (en) ; Gimnasio del Colegio Maravillas (en) ; Gobierno Civil de Tarragona (en) ;
Jasotako sariak	ikusi Castelao domina (1990) ; Espainiako Arkitektura Sari Nazionala ;

Artikulu hau arkitektoari buruzkoa da; beste esanahietarako, ikus «Alejandro de la Sota».

Alejandro de la Sota Martínez (Pontevedra, Galizia, 1913ko urriaren 20a - 1996ko otsailaren 14a) galiziar arkitektoa izan zen.

Espainiako Estatuko XX. mendeko arkitekturako maisu handienetako bat izan zen, arkitektura arrazionalista eta soil, purista baten ordezkaria.

Biografia

Madrilen egin zituen ikasketak. 1956-1972 bitartean eskolak eman zituen Madrilgo Arkitekturako Goi Eskola Teknikoan.

Obrak

Bere lanen artean aipagarriak dira eraikuntza zibil batzuk: Tarragonako Gobernu Zibila (1954-1957); Madrilgo Aurrezki Posta Kutxako kalkulu zentroa (1975); Leongo Posta eta Telekomunikazioen egoitza berria (1981); Zaragozako epaitegi berriak (1986). Aipagarriak ditu, halaber, eskola eta unibertsitate inguruko eraikuntzak: César Carlos ikasle egoitza (Madril, 1967); Sevillako Unibertsitateko ikasgelak (1972). Etxebizitzen alorrean egindako lanen artean, berriz, aipagarriak ditu, besteak beste, Miraflores de la Sierrako udalekua (Madril, 1957); etxebizitza sail bat Salamancan (1963); eta familia bakarreko zenbait etxebizitza: Varela (Collado Mediano, Madril, 1964); Guzmán (Santo Domingo, Madril, 1972); Domínguez (La Caeyra, Pontevedra, 1976). Azkenik bere obra ezagunena aipatu behar da: Maravillas eskolako gimnasioa (Madril, 1961).

Kanpo loturak

Wikimedia Commonsen badira fitxategi gehiago, gai hau dutenak: Alejandro de la Sota Martínez

(Gaztelaniaz)(Ingelesez) Alejandro de la Sota Fundazioaren webgunea

Erreferentziak

Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.

Datuak: Q3321064
Multimedia: Alejandro de la Sota / Q3321064