Aleksei Kaledin

Aleksei Kaledin
Irudi gehiago
1918ko Errusiako Batzar Konstituziogileko diputatu
Bizitza
Jaiotza	Ust-Khopyorskaya (en) , 1861eko urriaren 24a
Herrialdea	Errusiar Inperioa
Heriotza	Novotxerkassk, 1918ko otsailaren 11 (56 urte)
Hobiratze lekua	Novocherkassk Old Cemetery (en)
Heriotza modua	suizidioa: bala zauria
Hezkuntza
Heziketa	General Staff Academy (en)
Jarduerak
Jarduerak	buruzagi militarra eta politikaria
Jasotako sariak	ikusi Order of Saint Anna, 3rd class  (1897) Order of Saint Anna, 1st class with swords  (1915) Order of the White Eagle  (1915) Order of Saint Stanislaus, 1st class  (1902) Order of Saint Stanislaus, 2nd class  (1902) Order of Saint Stanislaus, 3rd class  (1893) Order of St. Vladimir, 3rd class  (1910) Order of St. Vladimir 2nd class with swords  (1915) Gold Sword for Bravery  (1915) Order of St. George, 3rd class  (1915) Order of St. George, 4th class  (1914) Order of Saint Stanislaus
Zerbitzu militarra
Adar militarra	Zalditeria
Gradua	General of the Cavalry (en)
Parte hartutako gatazkak	Lehen Mundu Gerra

Aleksei Maximovitx Kaledin (errusieraz: Алексе́й Макси́мович Каледи́н; 1861eko urriaren 24a^greg./urriaren 12a^jul. – 1918ko otsailaren 11^greg./urtarrilaren 29a^jul.) errusiar militarra izan zen, Don ibaiaren arroko eskualdeko kosakoa.

Biografia

Hastapenak

Gaztetatik Errusiar Armadan karrera militarra egin zuen, zalditerian batik bat. Lehen Mundu Gerran postu garrantzitsuak izan zituen, bai Zalditeria Inperialean zein Armada arruntean. Berea izan zen gerra horretan errusiar tropek lortu zuten garaipen eskasenetako bat, 1916ko maiatzean austriar tropak 70 milia atzera egitera behartu zituenean. Otsaileko iraultza ez zuen onartu eta Errusiako Behin-behineko Gobernuaren aurka konspiratzen zuen tsarismoa berriz boterean ezartzeko asmoz.

Kosakoen buru

Maiatzean Aleksei Brusilov jeneralak bere kargutik kendu zuen, “Armadaren demokratizatzearen kontrakoa” zelako. 1917ko ekainean, Dongo kosakoen ataman (buru) izendatua izan zen eta Donen “Gobernu Militar Kosakoa” aldarrikatu zuen. Abuztuan, Moskuko Estatu-Konferentzian, iraultza zanpatzeko programa bat aurkeztu zuen, eta aldi berean hitzaldi horretan Errusia “errepublika” gisa aldarrikatzea eskatu zuen. Kontrairaultzaile amorratu gisa, Kornilov aferan, estatu-kolpearen laguntzaile izan zen, halere, estatu-kolpe horrek porrot itxura zuenean, “Dongo Gobernu kosakoak” alde batera egitea lortu zuen. Kolpeak porrot egin ostean Gobernuan bere postutik kentzeko eta atxilotzeko asmoa erakutsi zuen, baina “Dongo Gobernu kosakoak” atxilotzeari uko egin eta berriz postu horretara itzultzea eskatu zuen.

1917ko Urriko Iraultzaren aurreko egunetan, Kerenskik Kaledin bisitatu zuen, kosakoek boltxebikeen aurka egin zezaten, trukean Kaledin errugabetzeko eta Armadaren buru ezartzeko hitza emanez. 1917ko Errusiar Iraultza Sozialista Proletarioarekin batera, Kaledinek Dongo lurraldean Gobernu kontrairaultzaile bat ezarri zuen, eta Errusiako Behin-Behineko Gobernuko kideak Novotxerkassk hirira gonbidatu zituen, botere-gune antiboltxebike bat sortzeko asmoz.

Armada Zurian parte hartzea

Bere kosakoak Armada Zuriaren nukleo bat sortzeko erabili zituen (jarraitu zioten kosakoak, kosakorik pobreenak boltxebikeen alde, edo behintzat borrokatik at egon nahian zeuden eta). Kaledin, Mikhail Alekseiev eta Lavr Kornilovekin batera, praktikoki Armada Zuriaren lehen nukleoaren sortzailea izan zen. 1918ko urtarrilean, frontean izandako porroten ondorioz, zuriek Rostov hiria galtzear zeudenean, bere buruaz beste egin zuen. Bere buruaz beste egiteko oharrean, “kosakoek beren atamana gudan jarraitu ez zutela” eman zuen arrazoitzat.

Erreferentziak

• Datuak: Q944910
• Multimedia: Alexey Kaledin / Q944910