Alexander Bustamante

Alexander Bustamante
	; Irudi gehiago
; 1. Jamaikako Lehen Ministroa
2. Premier of Jamaica (en)
Erresuma Batuko Kontseilu Pribatuko kidea
Bizitza
Jaiotza	Hanover, 1884ko otsailaren 24a
Herrialdea	Jamaika
Heriotza	Saint Andrew Parish (en) , 1977ko abuztuaren 6a (93 urte)
Hobiratze lekua	National Heroes Park (en)
Familia
Ezkontidea(k)	Gladys Bustamante (en)
Hezkuntza
Heziketa	California State University, Fresno (en)
Hizkuntzak	ingelesa
Jarduerak
Jarduerak	politikaria eta dietista-nutrizionista
Jasotako sariak	ikusi Britainiar Inperioko Ordenaren Gurutze Handiko zalduna (1967ko ekainaren 10a) ; Order of National Hero (1971ko urriaren 18a) ;
Ideologia eta sinesmenak
Alderdi politikoa	Jamaikako Alderdi Laborista

William Alexander Clarke Bustamante (Hanover, Jamaika, 1884ko otsailaren 24a – Saint Andrew, 1977ko abuztuaren 6a) jamaikar sindikalista eta politikaria izan zen. Jamaikako lehen ministroa izan zen 1962tik 1967ra.

Clarke izan zen bere jaiotze abizena eta 1944an Bustamanterengatik legez aldatu zuen. 1905ean Kubara joan zen lanera eta Jamaikara itzuli zen modu iraunkorrean hogeita hamar urte geroago.

Gobernu kolonialaren aurkako ekintzaile bihurtu zen, eta sindikatuetan inplikatu zen. 1937an Jamaikako Langileen Sindikatuko diruzain aukeratu zuten eta 1938ko grebetan parte hartu ondoren, 1940an espetxeratu zuten. 1943an askatu zuten eta urte horretan Jamaikako Alderdi Laborista sortu zuen. Aurretik, bere lehengusu Norman Manleyk sortutako Herriaren Alderdi Nazionaleko kide izan zen.

1944ko eta 1949ko hauteskundeak irabazi zituen, oraindik garai kolonialean. 1955eko eta 1959ko hauteskundeak Norman Manleyk irabazi zituen.

Bustamante, hasieran, Mendebaldeko Indietako Federazioaren aldekoa izan zen, baina geroago aurka agertu zen. 1961ean Jamaikak erreferendumean Federaziotik irtetea onartu zuen eta 1962ko abuztuan independentzia lortu zuen Bustamante lehen ministro zela.

1963an Rastafari mugimenduaren errepresioa agindu zuen. 1965ean bihotzekoa izan zuen eta 1967ko hauteskundeetan garaitu ondoren Donald Sangsterri eman zion lehen ministro kargua.

Datuak: Q265034
Multimedia: Alexander Bustamante / Q265034