Alexandra Daddario

Alexandra Daddario
Bizitza
Izen osoa	Alexandra Anna Daddario
Jaiotza	New York, 1986ko martxoaren 16a (33 urte)
Herrialdea	Ameriketako Estatu Batuak
Bizilekua	Los Angeles
Familia
Anai-arrebak	ikusi Matthew Daddario
Familia	ikusi Emilio Q. Daddario (aitona)
Hezkuntza
Heziketa	Brearley School Marymount Manhattan College
Jarduerak
Jarduerak	aktorea, zinema aktorea, telebista-aktorea eta modeloa
IMDb	nm1275259

Alexandra Anna Daddario (New York, 1986ko martxoaren 16) estatubatuar aktore bat da, besteak beste, Annabeth Chase interpretatu du Percy Jacksonen bi filmetan (Percy jackson eta tximista-lapurra eta Percy jackson eta munstroen itsasoa) eta Heather Miller  Texas Chainsaw 3D filmean. Imagine Dragons, "Radioactive" bideoan ere agertu da. San Andreas filmean, izen bereko failan gertaturiko lurrikara izugarri baten ondorioz, mundua egoera apokaliptiko batean dagoela irdikatzen duen pelikulan ere paper nagusi bat eduki zuen, The Rock aktorearekin batera. Baywatch filmean protagonista gisa ageri da.

Biografia

Daddario Upper East Siden hazi zen. Bere gurasoak abokatuak dira. Bi anai-arreba ditu, Matthew Daddario aktorea eta Catharine Daddario. Italiar eta Txekiar arbasoak ditu. Alexandrak txiki-txikitatik aktore izatea desio zuen, baina bere lehen lana arlo honetan hamabost urterekin lortu zuen, All My Children telesailean. Laurie Lewis pertsonaia interpretatu zuen, 43 kapituluetan zehar mantenduko zen pertsonaia, 2002 urtearen hasieratik 2003 urtearen erdialderaino, gutxi gorabehera. Lan hau egiten ari zen bitartean, Alexandra New Yorkeko bigarren hezkuntzako ikastetxe batean ikasten zebilen. The Sopranos, Damages, Law & Order, Law & Order: Criminal Intent eta Nurse Jackie telesailetan ere parte hartu zuen.

Beste hainbat pelikula eta telesailetan parte hartu izan duen arren, bere parte-hartzerik nagusiena eta gaur arte lortu duen famatuenetakoa Percy jackson eta tximista-lapurra filmean interpretatu zuen. Rick Riordan idazlearen Tximistaren lapurra eleberrian oinarrituta dago film hau, bertan, Annabeth Chase pertsonaia interpretatu zuen. Pelikula 2010ean estreinatu zen eta arrakasta handia lortu zuen.

Alexandra Daddario 2017an.

Alexandra Daddario eta Logan Lerman 2013an.

2013an bi pelikuletako bi pertsonai nagusi interpretatu zituen. Lehenik, Texas Chainsaw 3D pelikulan protagonista izan zen. Pelikula honek Texasera doan neska baten istorioa kontatzen du, bertan, hainbat lagunekin batera bere familiako baten jaraunspena bereganatzeko etxe batera sartu zen neska bere lagunekin, ezustean ordea, motozerra batekin armaturik dagoen ero bat aurkitzen dute. Pelikula hau 2013ko urtarrilean estreinatu zen. Urte honetan bertan, berriz ere, Annabeth Chase pertsonaia interpretatu zuen Percy Jackson eta Munstroen itsasoa filmean, film hau ere, aurrekoa bezala, Rick Riordanek idatzitako Munstroen itsasoa eleberrian oinarrituta sortu zen.

Filmografia

Zinean

Urtea	Izenburua	Pertsonaia	Oharrak
2005	The Squid and the Whale​	Neska polita
2006	Pitch	Alex
2006	The Hottest State​	Kim
2007	The Babysitters​	Barbara Yates
2008	The Attic​	Sue
2009	Jonas Brothers: The 3D Concert Experience	Neskalaguna (Central Parkeoko bikotea)
2010	Percy jackson eta tximista-lapurra	Annabeth Chase	Protagonista ordea
2010	Bereavement​	Allison Miller	Protagonista
2011	Hall Pass	Paige
2013	Texas Chainsaw 3D	Heather Miller	Protagonista
2013	Percy Jackson eta muntsroen itsasoa	Annabeth Chase	Protagonista ordea
2013	Life In Text	Haley Greene	Laburmetraia
2014	Unreachable by Conventional Means​	Kate
2014	Burying the Ex​	Olivia	Protagonista ordea
2015	San Andreas​	Blake Gaines	Protagonista
2016	The Choice​	Monica
2016	Baked in brooklin​	Olivia	Protagonista ordea
2017	Baywatch​	Summer Quinn	Protagonista
2017	The Layover​	Alexandra	Protagonista ordea
2018	When We First Met	Avery Martin	Aurreprodukzioan
2018	We Have Always Lived in the Castle	Constance Blackwood	Aurreprodukzioan
2018	Nomis	Rachel	Aurreprodukzioan
2018	I Am Not a Bird	Margaret	Filmatzen

Telebistan

Urtea	Izenburua	Pertsonaia	Oharrak
2002-2003	All My Children​	Laurie Lewis	Bigarren mailako papera
2004	Law & Order	Felicia	``Enemy´´ kapitulua
2005	Law & Order: Criminal Intent	Susie Armstrong	``In the Wee Small Hours (Part 1)´´ kapitulua
2006	Law & Order	Samantha Beresford	``Release´´ kapitulua
2006	Conviction	Vanessa	``Pilot´´ kapitulua
2006	The Sopranos	Beste neska bat	``Johnny Cakes´´ kapitulua
2009	Damages	Lily Arsenault	``I Lied, Too´´ kapitulua
2009	Life on Mars	Emily 'Rocket Girl' Wyatt	``Let All the Children Boogie´´ kapitulua
2009	Nurse Jackie	Neska gazte bat	``Pilot´´ kapitulua
2009	Law & Order: Criminal Intent	Lisa Wellesley	``Salome in Manhattan´´ kapitulua
2009-2011	White Collar	Kate Moreau	Bigarren mailako papera
2011-2012	Parenthood	Rachel	Bigarren mailako papera
2012	It's Always Sunny in Philadelphia	Ruby Taft	``Charlie and Dee Find Love´´ kapitulua
2013	Chelsea Lately	Bere burua	``Alexandra Daddario´´ kapitulua
2014	True Detective	Lisa Tragnetti	Bigarren mailako papera (4 kapituluetan interpretatua)
2014	New Girl	Michelle	``Mars Landing" y "Goldmine´´ kapitulua
2014	Married	Bere burua	``Pilot´´ kapitulua
2015	The Last Man on Earth	Carol, gaztetan	``Pilot´´ kapitulua
2015	American Horror Story: Hotel	Natacha Rambova	3 kapitulu interpretatu zituen
2016	Workaholics	Donna	``Save the Cat´´ kapitulua
2016	Robot Chicken	Theresa Johnson / Lena	``Joel Hurwitz Returns´´ kapitulua

Sariak eta izendapenak

Data	Saria	Kategoria	Izendapena jaso duen lana	Emaitza
2010	Teen Choice Awards	Emakumezkoen agerkunde onena	Percy Jackson eta tximista-lapurra	Irabazlea
2013	MTV Movie Awards	Antzezpenik onena	Texas Chainsaw 3D	Irabazlea
2017	Teen Choice Awards	Komediazko pelikuletako aktorerik onena	Badiako zaindariak	Irabazlea

Kanpo loturak

Wikimedia Commonsen Alexandra Daddariori buruzko multimedia fitxategiak aurki daitezke.

Alexandra Daddario Internet Movie Databasen

• Datuak: Q231556
• Multimedia: Alexandra Daddario