Alexandrine Tinné

Wikipedia, Entziklopedia askea
Jump to navigation Jump to search
Alexandrine Tinné
Alexandrine Tinne gefotografeerd door Robert Jefferson Bingham.jpg
Bizitza
Jaiotza Haga1835eko urriaren  17a
Herrialdea  Herbehereetako Erresuma
Heriotza Murzuk Itzuli1869ko abuztuaren  1a (33 urte)
Heriotza modua gizahilketa
Familia
Aita Philippe Frédéric Tinne
Jarduerak
Jarduerak esploratzailea, argazkilaria, abenturazalea eta bildumagilea
Alexandrine Tinné Henri Auguste d'Ainecy Montpezat margolariaren lan batean.

Alexandrine Tinné (Haga, 1835eko urriaren 17a - Mursuk, Erdialdeko Afrika, 1869ko abuztuaren 1a) emakume argazkilaria eta esploratzailea Saharako basamortua gurutzatzen saiatu zen lehenengo emakumea izan zen.

Familiako aurrekariak[aldatu | aldatu iturburu kodea]

Alexandrine Philippe Frédéric Tinneren (1772-1844) alaba zen. Ama, bestetik, Henriette van Capellen baronesa zen. Philip Tinne merkatari herbeheretar aberatsa zen; Napoleondar Gerrak bitartean Ingalaterran bizi zen baina ondoren haren herrira itzuli zen. Bigarren aldiz Henriette van Capellen-ekin ezkondu zen, hau Theodorus Frederik van Capellen amiralorde ospetsuaren alaba. Alexandrine aita hirurogeita hiru urte zituelarik jaio zen. Neska hamar urte zituenean hil egin zen eta Herbehereetako emakume aberatsena egin zuen. Etxean hezia izan zen eta piano menperatzen zuen.

Afrikarako bidaia[aldatu | aldatu iturburu kodea]

Alexandrine Europatik 1861ko udan atera zen. Haren asmoa Nilo Zuriaren lurraldea ezagutzea zen. 1862ko urtarrilaren 9an, bere amarekin eta izeba batekin atera zen. Khartumen denboraldi bat egin zuten eta handik Nilo Zuria igo zuten Gondokoroaino; haraino heldu ziren lehendabiziko emakume europearrak izan ziren. Baina Alexandrine gaixotu zen eta azaroaren 20an Khartumera itzuli behar izan ziren. 1863an, Theodor von Heuglin eta Hermann Steudnerrekin batera, lurraldean zeharreko bigarren espedizioa egin zuten; horren bitartean Alexandrineren ama eta Steudner hil ziren.[1] Heiotz horien kontura ezin izan zuen Europara itzuli, familiak errua aurpegiratzen baitzion.

Sahararako espedizioa eta heriotza[aldatu | aldatu iturburu kodea]

1869ko urtarrilan tuareg tribuak ezagutzeko saiakera egin zuen. Helburu horrekin karabana batekin Tripolitik atera zen, Txad aintziraino heltzeko asmoz. Murzuken Gustav Nachtigal esploratzaile alemaniarrarekin topo egin zuen. Biak batera basamortua gurutzatzen saiatu ziren. Zoritxarrez, abuztuaren 1an, goizaldean, Murzuketik Ghat-eko bidean, beste bi laguntzailekin batera hil egin zuten. Antza, eskoltako batzuekin adostuta, tuareg batzuek hil zituzten.

Ideologia[aldatu | aldatu iturburu kodea]

Alexandrine Tinné esklabotzaren aurka zegoen eta jarrera hau sarritan azaldu zuen. Aljerian ihes egindako esklabuentzak babes-etxea egin zuen. Azpimarratu behar da, bestetik, espedizioen helburua ez zela baidaiatzea besterik gabe. Alexandinerekin batera zientzialariak eta espezialistak zihiazten, inguru ezezagun horien informazioa biltzeko asmoz.[2] Zoritxarrez, bildutako objetu eta elementu asko, Hagan zein Liverpoolen, Bigarren Mundu Gerran galdu ziren.

Erreferentziak[aldatu | aldatu iturburu kodea]

Kanpo loturak[aldatu | aldatu iturburu kodea]

Wikimedia Commonsen badira fitxategi gehiago, gai hau dutenak: Alexandrine Tinné Aldatu lotura Wikidatan