Alexis Apraiz

Alexis Apraiz
Bizitza
Jaiotza	Gernika-Lumo, 1984ko abuztuaren 23a (39 urte)
Herrialdea	Bizkaia, Euskal Herria
Jarduerak
Jarduerak	esku huskako pilotaria
Pilota
Debuta	2006ko abuztuaren 18a
Erretiratze data	2017ko otsailaren 25a
Pisua	93 kilogramo

Alexis Apraiz García del Río, pilota arloan Apraiz deituraz ezaguna (Gernika, Bizkaia, 1984ko abuztuaren 23a) esku huskako pilotari profesional ohia da. Atzelari jokatzen zuen, Asegarce enpresarekin. Estatistika ofizialek diotenez, 2,00 m luze da, eta profesionaletan ari zela 93 kg pisatzen zuen. Profesionaletako estreinako partida 2006ko abuztuaren 18an jokatu zuen, Gernikako Santanape pilotalekuan; azkena, berriz, 2017ko otsailaren 25ean, Iruñeko Labrit pilotalekuan.^[1]

Bere pilotari ibilbidean, 2010–2013 bitartean eman zuen mailarik onena, tarte horretan ibili zen indartsuen. Onenekin jokatzen zuen. 2014an, ordea, esku huskako pilotako lehen mailan pilota txikiagoa erabiltzen hasi ziren, eta Apraiz ez zen ondo egokitu material berri horretara.^[1]