Alfonso Beorlegi

Wikipedia(e)tik
Hona jo: nabigazioa, Bilatu

Alfonso Beorlegi Canet (Lizarra, 1888ko urtarrilaren 26a - Donostia, 1936ko irailaren 29a) euskal militarra izan zen.

Biografia[aldatu | aldatu iturburu kodea]

22 urte zituela Toledoko Infanteria Akademian sartu zen. Graduatu ondoren Marokora (1913) bidali eta hantxe hasi zuen karrera, 1930ean koronel bihurtua[1]. Urte hartako Jakako altxamenduan atxilotua izan zen[2].

1936ko uztailaren 17 eta uztailaren 18ko altxamendua izan zenean, Iruñean zegoen eta Molaren agindupean geratu zen. Molak Goardia Zibila eta Guardia de Asaltoren zuzendaritza eman zion[3]. Nafarroan altxamendua finkatu zenean, Gipuzkoa konkistatzeko armada zuzendu zuen. Irailaren 4an Irun mendean hartu zuen San Martzial mendia konkistatu eta gero.

Muga hartzerakoan, hankan bala batez zauritua izan zen,[4] baina uko egin zion zauria tratatzeari. Donostiaren kontra abiatu zen gero, eta bertara garaile sartu irailaren 13an. Artean, hiriburua okupatu ondoko desfilea ikusi ahal izan zuen, eta egun gutxitara hil zen Donostian, haratustelak jota.

George Steerek[5] esan zuen hasieran akatsak egin bazituen ere, batez ere artilleria erabili gabe San Martzial eraso zuelako, soldadu ausarta zela. Paul Prestonek, bere adorea nabarmendu ez ezik, ume handitzat dauka.[6]

Erreferentziak[aldatu | aldatu iturburu kodea]

  1. Auñamendi Entziklopedia
  2. www.noticiasdenavarra.com - Las 20 calles franquistas: quién es quién
  3. Hugh Thomas: "The Spanish Civil War". Londres: Penguin. (2003) ISBN 0-14-101161-0
  4. Biografias Del Bando Nacional
  5. Telegram from Guernica
  6.   Paul Preston (2013), The Spanish Holocaust: Inquisition and Extermination in Twentieth-Century Spain., London, UK: HarperCollins, ISBN 978-0-00-638695-7 . 430. or.