Alicja Bobrowska

Alicja Bobrowska
	; Irudi gehiago
Bizitza
Jaiotza	Volodymyr (en) , 1936ko urtarrilaren 8a
Herrialdea	Polonia
Heriotza	Los Angeles, 2025eko urtarrilaren 13a (89 urte)
Familia
Ezkontidea(k)	Stanisław Zaczyk (en)
Hezkuntza
Heziketa	Stanisław Wyspiański Academy for the Dramatic Arts (en)
Hizkuntzak	poloniera
Jarduerak
Jarduerak	aktorea eta modeloa

Alicja Bobrowska (Volodymyr, 1936ko urtarrilaren 8a – Los Angeles, 2025eko urtarrilaren 13a)^[1] poloniar-estatubatuar aktore, modelo, aurkezle, erizain, margolari eta eskultorea izan zen. 1957an Miss Polonia lehiaketan irabazi zuen.

Bizitza

Volodymyr hirian (gaur egungo Ukrainan) jaio zen. Bigarren Mundu Gerra amaitu ondoren, Gdańsken bizi izan zen gurasoekin. 1959an Krakoviako Ludwik Solski antzerki eskolan graduatu zen^[2].

1957an Miss Wybrzeże edertasun-lehiaketan parte hartu zuen eta bigarren postuan geratu zen, bi mila boto baino gehiago irabaziz. Dziennik Bałtycki egunkatiak antolatutako lehiaketan ere aurkeztu zen. 1957ko abuztuan Miss Polonia lehiaketan irabazi zuen, lehiaketa horretako gerraosteko lehen irabazle bihurtuz. Ameriketako Estatu Batuetan egindako 1958ko Miss Unibertso lehiaketan bosgarren postuan geratu zen. Lan-eskaintza ugari jaso zituen, besteak beste Max Factor markarekin urtebeteko kontratua sinatzeko aukera edo hiru urtez Marlon Brando aktorearekin lan egiteko aukera. Hala ere, Bobrowskak bi eskaintza horiek baztertu zituen eta Poloniara itzuli zen^[2]^[3].

Hurrengo urteetan aktore gisa aritu zen. Krakoviako Juliusz Słowacki antzokian debutatu zuen eta geroago Varsoviako Antzoki Nazionalean eta Arnold Szyfman antzokian jardun zuen. Sei hilabetez Poloniako telebistako aurkezle izan zen^[2]^[3]. 1981ean Kaliforniara emigratu zuen, eta han erizain gisa aritu zen 17 urtez^[2]^[3]. 2004an, Miss Polonia lehiaketako finaleko kontzertuan agertu zen gonbidatu gisa^[2].

Erretiroa hartu ondoren, artista garaikide egin zen. Besteak beste, margolari eta eskultorea izan zen. 3D-Art estiloa landu zuen^[2]^[3]. Erakusketak Kalifornian, Chicagon eta New Yorken egin zituen^[2]^[3].

Stanisław Zaczyk aktorearekin ezkonduta zegoen eta harekin Maciej izeneko seme bat izan zuen^[3]. Los Angelesen hil zen 2025eko urtarrilaren 13an^[1].

Filmografia


Urtea	Izenburua	Pertsonaia	Oharrak
1960	Historia współczesna	Filmeko aktorea
1962	Jak być kochaną	Vienako aireportuko emakume gaztea
1963	Pamiętnik pani Hanki	Festako emakumea
1966	Małżeństwo z rozsądku	Anna, Kwileckiren emaztea
1967	Paryż – Warszawa bez wizy	Hegazkineko laguntzailea
1971	Wizyta	Wanda, zuzendariaren emaztea
1973	Wielka miłość Balzaka	Aktorea
1974	Polizeiruf 110	Beate Buchholz	Atal batean: "Das Inserat"

Erreferentziak

↑ ^a ^b (Polonieraz) Zatońska, Beata. «Nie żyje Alicja Bobrowska, pierwsza powojenna Miss Polonia» Dziennik.pl 2025-01-14 (kontsulta data: 2025-01-30).
↑ ^a ^b ^c ^d ^e ^f ^g (Polonieraz) Mazurek, Aneta. «Taki cud zdarza się tylko raz w życiu!» Medonet 2011-07-02 (kontsulta data: 2025-01-30).
↑ ^a ^b ^c ^d ^e ^f (Polonieraz) Salus, Dorota. «Żeby lecieć do USA na wybory Miss Universe '58, napisała do Cyrankiewicza. "Dałam słowo, że wrócę do Polski"» Gazeta.pl 2019-12-10 (kontsulta data: 2025-01-30).

Kanpo estekak

Datuak: Q9148112
Multimedia: Alicja Bobrowska / Q9148112

[:0-1] (Polonieraz) Zatońska, Beata. «Nie żyje Alicja Bobrowska, pierwsza powojenna Miss Polonia» Dziennik.pl 2025-01-14 (kontsulta data: 2025-01-30).

[:1-2] ↑ ^a ^b ^c ^d ^e ^f ^g (Polonieraz) Mazurek, Aneta. «Taki cud zdarza się tylko raz w życiu!» Medonet 2011-07-02 (kontsulta data: 2025-01-30).

[:2-3] ↑ ^a ^b ^c ^d ^e ^f (Polonieraz) Salus, Dorota. «Żeby lecieć do USA na wybory Miss Universe '58, napisała do Cyrankiewicza. "Dałam słowo, że wrócę do Polski"» Gazeta.pl 2019-12-10 (kontsulta data: 2025-01-30).

[1]

[2]

[3]