Alkohol bentziliko
| Alkohol bentziliko | |
|---|---|
| Identifikatzaileak |
Bentzil alkohola konposatu organiko aromatikoa da C6H5CH2OH formulakoa alkoholen klasekoa. Likido gardena da. Disolbagarria uretan, etanoletan, dietil eterretan eta ohiko disolbatzaile organikoetan. Narritagarria da[1].
Produktu naturala da. Landare ugarietan aurkrki daiteke, hala nola, jazminean eta hiatzintoan.
Sintesia
[aldatu | aldatu iturburu kodea]Bentzil alkohola bi molde nagusiz lortzen da[2].
- bentzil kloruroa hidrolizatuz
- C6H5CH2Cl + H2O → C6H5CH2OH + HCl
- bentzaldehidoa erreduzituz Canizzaroren erreakzioa baliatuz.
- 2 C6H5CHO + KOH → C6H5CH2OH + C6H5COOK
Erabilera
[aldatu | aldatu iturburu kodea]Bentzil alkohola aromatizatzaile gisa erabiltzen da perfumegintzan eta beste hainbat alorretan. Alor horietan usatzen diren bere esterrak sintetizatzeko ere baliatzen da, etsenplurako bentzil zinamatoa. Disolbatzaile moduan ere prozesu askotan hartzen du parte, pinturetan, tindutan edo laketan[3].
Bentzil alkohola kontzentrazio baxuan bakteriostatiko moduan erabiltzen da zain barneko eta larruazaleko botiketan eta kosmetikoetan[4][5].
Erreferentziak
[aldatu | aldatu iturburu kodea]- ↑ (Ingelesez) PubChem. «Benzyl Alcohol» pubchem.ncbi.nlm.nih.gov (kontsulta data: 2025-03-22).
- ↑ Lewis, R.J. Sr.. (2007). Hawley's Condensed Chemical Dictionary 15th Edition. John Wiley & Sons, Inc, 140 or..
- ↑ «Benzyl alcohol - Hazardous Agents | Haz-Map» haz-map.com (kontsulta data: 2025-03-22).
- ↑ Josu, Lopez-Gazpio. (2016-12-01). «Kosmetikoak analizatzeko metodo garbiagoen bila» Zientzia.eus (kontsulta data: 2025-03-22).
- ↑ (Ingelesez) Mashayekhi, Hossein Ali; Rezaee, Mohammad; Garmaroudi, Shirin Sadeghi; Montazeri, Naser; Ahmadi, Seyed Javad. (2011-08-01). «Rapid and Sensitive Determination of Benzaldehyde Arising from Benzyl Alcohol Used as Preservative in an Injectable Formulation Solution Using Dispersive Liquid-Liquid Microextraction Followed by Gas Chromatography» Analytical Sciences 27 (8): 865–868. doi:. ISSN 1348-2246. (kontsulta data: 2025-03-22).