Almirantearen gotorlekua (Pasai San Pedro)

Wikipedia, Entziklopedia askea
Hona jauzi: nabigazioa, Bilatu
Almirantearen gotorlekua (Pasai San Pedro)
Uliako Ingelesen Gotorlekua Mende Hegoaldea 20160324 133830 04.jpg
Kokapena
Herrialdea  Euskal Herria
Probintzia  Gipuzkoa
Udalerria Donostia
Koordenatuak 43° 19′ 49″ N, 1° 56′ 01″ W / 43.330211111111°N,1.9337305555556°W / 43.330211111111; -1.9337305555556Koordenatuak: 43° 19′ 49″ N, 1° 56′ 01″ W / 43.330211111111°N,1.9337305555556°W / 43.330211111111; -1.9337305555556

Almirantearen gotorlekua Gipuzkoako Pasaia udalerriko Pasai San Pedro barrutian eta Donostiako mugan dagoen gotorleku baten hondakinak dira. Pasaiako badiaren bokalaren gain dago, Ulia mendian, eta Platako lurmuturra eta Platako itsasargitik hurbil, Gurutzeta izeneko muino batean dago kokatuta, 206 metrora itsas mailaren gainetik. Bi udalerrien arteko mugan kokatuta izanik, Donostiako eraikintzat ere hartua izan da.

Antzinako kokaleku militarra da, XIX. mendean Karlistaldietan Donostia inguratu eta defendatzen duten liberalen gotorlekuetako bat izan zen. 1836ko apirilean Britaniar legio batek eraiki zuen forte horren aurrekari bat, gerizpe edo parapeto-gune modukoa Pasaiako badia zaintzeko eginkizunarekin. Almirante, Ingelesena edo Morales izenekin ere ezaguna izan zen orduan; hori dela eta, kokapenaren araberako izenarekin ere ezaguna da, hots, Gurutzetako fortea. Bigarren Karlistadan liberalek eraiki zuten fortea bera eta 1874 urtean kainoiez hornitu Pasaiako portutik. Halere, gero eta eginkizun xumeagoa izan zuen, Altza, Ametzagaina edo Arramendiko forteak egokiagoak baitziren eremua karlistengandik defendatzeko.[1].

Egiturari dagokionez, oinplano karratua da itxuraz, baina neurtzean trapezio irregularra dela antzematen da. Uliako harearriz egina dago. Barrutian zenbait eraikin dokumentatu dira munizioa gordetzeko eta soldaduen aterperako.[2].

Almirantearen gotorlekua.

Erreferentziak[aldatu | aldatu iturburu kodea]

  1. Arrieta, Antton.- Euskal Herriko Forteak : Berpizkundetik karlismora.-Tafalla : Txalaparta, 2015
  2. Saez, Juan Antonio; Agirre Gorka.- Gotorlekuak Gipuzkoan : XVI-XIX. mendeak (Bertan, 18 zk.).- Donostia : Gipuzkoako Foru Aldundia, 2002


Wikimedia Commonsen badira fitxategi gehiago, gai hau dutenak: Almirantearen gotorlekua (Pasai San Pedro)