Aloña

Wikipedia, Entziklopedia askea
Jump to navigation Jump to search
Aloña
Aloña mendia.JPG
Datu orokorrak
Mendirik altuena Botreaitz
Garaiera 1.320 m
Geografia
Koordenatuak 43° 00′ 26″ N, 2° 24′ 10″ W / 43.0073°N,2.4027°W / 43.0073; -2.4027Koordenatuak: 43° 00′ 26″ N, 2° 24′ 10″ W / 43.0073°N,2.4027°W / 43.0073; -2.4027
Herria Euskal Herria
Honen parte da Aizkorriko mendigunea
Mendikatea Euskal Herriko arkua
Herrialdea Espainia
Lurraldea Gipuzkoa

Aloña Gipuzkoako hego-mendebaldean dagoen mendilerroa da, Oñati (Debagoiena) udalerriaren hego-ekialdean dagoena da.

Iparraldean Uribarri eta Murgia auzoak (Oñati), Duruko eta Urbiako zelaiak hegoaldean eta Aizkorriko mendilerroa hego-ekialdean ondoan ditu, mendilerro bien artean Biozkorniako lepoa dagoelarik.

Bertan daude eskualde osoko mendirik garaienak, guztiak 1.200 metrotik gorakoak.

Aizkorriko mendigunean kokatuta dagoen Aloñako mendilerroaren mugak.

Tontorrak[aldatu | aldatu iturburu kodea]

Aloña mendi edo Gorgomendi da mendilerroko tontorrik aipagarriena, 1.250 metroko garaierarekin, altuena ez den arren.

Beste tontorrak, garaieraren arabera ordenaturik, hauexek dira:

  1. Botreaitz edo Buetraitz, 1.320 m[1][2] 42° 59′ 40″ N, 2° 23′ 32″ W / 42.9944893°N,2.3922769°W / 42.9944893; -2.3922769
  2. Arkaitz, 1.312 m 42° 59′ 30″ N, 2° 23′ 09″ W / 42.9917082°N,2.3858151°W / 42.9917082; -2.3858151
  3. Kurtzezar, 1.287 m 42° 59′ 46″ N, 2° 23′ 43″ W / 42.9961268°N,2.3954136°W / 42.9961268; -2.3954136
  4. Biozkorna edo Arriurdin, 1.274 m 42° 59′ 12″ N, 2° 22′ 23″ W / 42.9867668°N,2.3729605°W / 42.9867668; -2.3729605
  5. Urrabiatza, 1.265 m 42° 59′ 25″ N, 2° 22′ 55″ W / 42.9902736°N,2.3819408°W / 42.9902736; -2.3819408
  6. Gorgomendi edo Aloña Mendi, 1.244 m 42° 59′ 54″ N, 2° 24′ 01″ W / 42.9984131°N,2.4003721°W / 42.9984131; -2.4003721
  7. Belar, 897 m 43° 00′ 17″ N, 2° 25′ 20″ W / 43.004613°N,2.4222375°W / 43.004613; -2.4222375

Aloñako igoerak[aldatu | aldatu iturburu kodea]

"Aloñako Igoera" 2005etik antolatzen den mendi lasterketa da, 22.6 kilometroko ibilbidea daukana eta 1.868 metroko pilatutako desnibelarekin.

Karreratik kanpo, oinez igotzeko ohiko abiapuntua da Urtiagain lepoa (506 m), Arantzazurako bidean. Halaber, Arantzazutik bertatik abiatzen da bide bat Durutik igarotzen dena, eta Gomiztegiko artzain eskolatik. Biozkorniako lepoa (1.200 m) beste aukera bat da, "Ama Birjinaren Silla" izena ere hartzen duena. Bertara Legazpi edo Oñati aldetik iristen da, Katabera antzinako burdin meategietatik.

Duru-Malla[aldatu | aldatu iturburu kodea]

Duru eta Mallako zelaiak Aloñako mendigunearen hegoaldean kokatuta daude, Arantzazu auzoaren gainaldean. Korta edo saroiek osatuta dagoen ingurunea da, antzinako artzain-etxolekin batera. Artzaintzarako zonalde honek, gainera, gordetzen du Eskista izeneko lekua. Ibarrondo familiak atondutako iglu formako eraikin txikia da, ondoan dagoen muinotik erremonte bakar batekin osatzen zuen eski estazio txikia garai batean.

Ikus, gainera[aldatu | aldatu iturburu kodea]

Erreferentziak[aldatu | aldatu iturburu kodea]

  1. Euskal Herriko Mendien Katalogoa 2007ko otsaila, 2009ko apirila, Euskal Mendizale Federazioa. Berrikusketen arduraduna: Patxi Galé. Katalogo horretako toponimoek Euskaltzaindiaren Onomastika Batzordearen oniritzia dute. (EODA)
    Mendien koordenatuak, garaiera eta prominentzia jakiteko, ikus Peakvisor.com webgunea.
  2. Mendikat, Euskal Herriko Katalogo osoa.

Kanpo estekak[aldatu | aldatu iturburu kodea]

Euskarazko Wikipedian bada atari bat, gai hau duena:
Euskal Wikiatlasa