Alvin Ailey

Wikipedia, Entziklopedia askea
Hona jauzi: nabigazioa, Bilatu
Alvin Ailey
Alvin Ailey Ellington career.jpg
Bizitza
Jaiotza Rogers (Texas)1931ko urtarrilaren 5a
Herrialdea  Ameriketako Estatu Batuak
Talde etnikoa afro-amerikarra
Heriotza Manhattan1989ko abenduaren 1a (58 urte)
Heriotza modua berezko heriotza
Hezkuntza
Heziketa San Francisco State University
(1952 -
Hizkuntzak ingelesa
Lanbidea
Lanbidea ballet dantzaria eta koreografoa
Jasotako sariak
IMDb nm0014617

Alvin Ailey, Jr. (Rogers, Texas, 1931ko urtarrilaren 5a - New York, 1989ko abenduaren 1a) estatubatuar dantzaria izan zen.

Los Angelesko Unibertsitatean ikasi ondoren, Lester Hortonen ballet eskolan aritu zen. Lester Horton Dance Theatren egin zuen debuta 1953. urtean, eta urte horretan bertan, Lester Horton hil ondoren, taldeko koreografo bihurtu zen. 1954an House Flowers lana sortu zuen. Zineman hainbat musika-komediatan parte hartu zuen. 1958an Alvin Ailey Dance Theatre sortu zuen eta Estatu Batuetan, Australian eta Europan zehar ibili zen talde horrekin. 1966. urtean Arte Beltzaren jaialdian parte hartu zuen Dakarren. Bere taldearentzat koreografia hauek sortu zituen, besteak beste: Reflections in D, Blues Suite, Archipelago, Flowers, Cry, etab. Bestalde, koreografiak sortu zituen Joffey Ballet, Le Harkness Ballet, Suediako telebista, Lincoln Centerreko opera eta Edinburgoko jaialdirako. Alvin Aileyren konpainia Moskun eta Pekinen arrakasta izan zuen lehena izan zen. Lan horiez gainera, aipagarria da Manhattango etxe orratz batean sortu duen eskola, jazza eta dantza modernoa eta klasikoa erakusten dituena. Bere balletetako gaiak Ameriketako beltzen folklorearen tradizioan oinarritzen dira (blues, jazza).

Erreferentziak[aldatu | aldatu iturburu kodea]

Wikimedia Commonsen badira fitxategi gehiago, gai hau dutenak: Alvin Ailey Aldatu lotura Wikidatan