Amaia Romero

Wikipedia, Entziklopedia askea
Jump to navigation Jump to search
Amaia Romero
Amaia Romero 2019.jpg
Bizitza
Izen osoa Amaia Romero
Jaiotza Iruñea1999ko urtarrilaren 3a (20 urte)
Herrialdea  Nafarroa Garaia, Euskal Herria
Hezkuntza
Hizkuntzak gaztelania
Jarduerak
Jarduerak abeslaria
Ahots mota mezzosopranoa
Musika instrumentua pianoa
gitarra
ukelelea
Mandolina
ahotsa
Diskoetxea Universal Music Group
IMDb nm4977202
amaiaromeroarbizu.com/

Amaia Romero Arbizu (Iruñea, Nafarroa, 1999ko urtarrilaren 3a) nafar abeslaria da. Operacion Triunfo 2017 saioan egindako parte-hartzearengatik eman zen ezagutzera, non finaleraino iritsi eta irabazi egin zuen.[1] Gainera, Alfred Garcíarekin batera 2018ko Eurovision Abesti Lehiaketan parte hartzeko aukeratua izan zen «Tu canción» abestiarekin, Raúl Gómez eta Sylvia Santorok konposatua.[2][3]

Biografia[aldatu | aldatu iturburu kodea]

Amaia Romero 1999ko urtarrilaren 3an jaio zen Iruñean, Nafarroan. Angel eta Javieraren alaba, Amaia musikari familia batekoa da. Haien artean bere osaba Joaquin nabarmentzen da, zeina “Orfeon Pamplonés”eko kudeatzailea izan zen 2008tik 2016raino. Bi urtez Pablo Sarasate Orkestako kudeatzailea izan zen baita ere.[4] Bera izan omen zen txikitan Amaiak musikarako sena zuela konturatu zena.[4][5]

Amaren aldetik, Amaia Carmen Arbizuren iloba da, Nafarroako Goi Mailako Musika Kontserbatorioko kantuko katedraduna 1990. urtetik.[4] Amaia bertan pianoko goi mailako ikasketak egiten ari da.[6]

Nahiz eta gaur egun Mendillorriko auzoan bizi den, bere haurtzaroaren zati handi bat Soraurenen eman zuen. Larunbatero joaten zen bertara hamaiketakoa jatera bere birraitonak eta birramonak zuten etxera.[4]

Ibilbidea[aldatu | aldatu iturburu kodea]

2010-2016: Hastapenak[aldatu | aldatu iturburu kodea]

2010. urtean, 11 urterekin, Telecincoko Cántame una canción saioan parte hartu zuen. Bertan David Civera eta Sergio Riverorekin, 2005eko Operación Triunfoko irabazlearekin, abestu zuen.[7] 2011n, Rock Camp 2011 bekaren bi irabazleetako bat izan zen, eta kanpalekuan parte hartu zuen 2011 eta 2012. urteetan.[8]

2012. urtean El número Uno saioaren lehen edizioan parte hartu zuen. Lehiaketan sartzea lortu zuen «Here Comes the Sun» abestia bere ukelelearekin jo ondoren. Lehiaketan sei aste egon ondoren, Alberto Pestaña parte-hartzaile zaharrenarekin buruz buru lehiatu ostean kanporatua izan zen. Epaimahaia David Bustamante, Ana Torroja, Miguel Bosé, Natalia Jimenez eta Mónica Naranjo abeslari espainiarrez osatua zegoen. Azken honek honako gomendioa eman zion orduan:

«Nik izan dudan esperientziagatik, ikusi dudan guztiagatik, pertsona helduak ez bagaude arrakastarako prestatuak, imajina ezazue haur bat. Amaia, egon ziur zure bizitzako faborea egiten ari naizela. Orain, gaztea zarenean, geldialdi bat egiten baduzu eta urte batzuen buruan berriro ekiten badiozu, orduan hegan egingo duzu, baina hemen geratzen bazara, hain txikia izanik jan egingo zaituzte. Barkatuko nauzu? Nik badakit zuretzat ona izango dela. Badakit hoberena izango dela. Urte batzuen buruan ikusiko dugu elkar eta ikusiko duzu nola ondo joango zaizun.»[9]

Bitxia bada ere, Monica Naranjo Operación Triunfo 2017ko epaimahaikide ere izan zen, Amaia ezagutzera eman zen edizioa.

Formazio urte batzuen ostean, Amaiak Lemon y Tal talde nafarrarekin kolaboratu zuen «Cicatrices de mi realidad» abestian.[10]

2017-2018: Operación Triunfo eta Eurovisión[aldatu | aldatu iturburu kodea]

2017an, Amaia Romero Operación Triunfoko castingera aurkeztu zen, urte batzuen hutsunearen ondoren bueltatzen zen programa. Abeslaria hautatua izan zen eta 2017ko urriaren 23an abestu zuen lehenengoz Operación Triunfon, David Bowieren Starman interpretatuz. Nahiz eta epaileek lehiaketan ez parte hartzeko proposatu zuten, akademiako irakasleek salbatu zuten.[11] Programak iraun zuen bitartean, ikuslegoaren gogokoena izateko proposatua izan zen aste batzuetan, hiru aldiz izatea lortu zuelarik.

2018ko urtarrilaren 15ean, Amaia Romero lehiaketako finalista izatera iritsi zen. Epaileek 40 puntu eman zizkioten, programan inoiz eman den puntuaziorik altuena. Ondoren, 2018ko otsailaren 5ean, edizio horretako irabazle izendatu zuten, ikusleen botoen %46a jaso ondoren. Azken gala honen lehen fasean M-Clanen "Invisible" abestu eta ikusleen rbotoen %41a eskuratu zuen. Azken fasean, programaren lehen saioan abestutako Starman berriro interpretatuz lortu zuen saria.[1]

Era berean, finalista izatean, Espainia 2018ko Eurovision Abesti Lehiaketan ordezkatzeko hautagaia izan zen. Bi abesti eman zizkioten: Rozalenek konposaturiko «Al cantar», bakarka abestu zuena,[12] eta «Tu canción», Raul Gomez eta Sylvia Santorok konposatua, bere kide Alfred Garciarekin batera abestu zuena. Ikusleen botoen %43 lortuta, azken abesti honekin lehiatuko da 2018ko maiatzean Lisboan ospatuko den txapelketan.[13]

Musika estiloa[aldatu | aldatu iturburu kodea]

Nahiz eta gaztea izan, Amaia Romerok musika ezagutza handia du, batez ere bere kontserbatorioko formazio akademikoagatik eta baita musika genero anitzak entzuten dituelako. Bere abeslari gogokoenak The Beatles eta Marisol dira. Amaia flamenko zalea da baita ere.

Akademian egondako denboraldian, abeslariak pianoan jo dezakeen aniztasuna agerian utzi zuen, besteren artean ondorengo abestiak interpretatuz: "Que bello es vivir", “Instrucciones para bailar un vals” edo El Kankaren "Lo Mal Que Estoy Y Lo Poco Que Me Quejo", "Zorongo gitano", "The House of the Rising Sun", Bachen fugak, Beethovenen sonatak, Stravinsky, Chopin, Navajita Plateáren "Noches de Bohemia"...[14]

Salmenta zerrendak[aldatu | aldatu iturburu kodea]

Operación Triunfon zegoen bitartean, berak kantatutako hainbat abestik postu esanguratsuak lortu zituzten Espainiako salduenen zerrendan.

Urtea Singlea Zerrenda Albuma
Espainia
2017
«City of Stars»
(Alfred Garcíarekin)
61[15] (4 aste zerrendan)[16]
OT Gala 3
«Shape of You»
(Roi Méndezekin)
92[15] (Aste 1 zerrendan)[15]
OT Gala 5
2018
«Shake It Out»
15[17] (3 aste zerrendan)
OT Gala 9
«Soñar contigo»
85[18] (Aste 1 zerrendan)
OT Gala 10
«Love on the Brain»
80[18] (Aste 1 zerrendan)
OT Gala 11

Erreferentziak[aldatu | aldatu iturburu kodea]

  1. a b (Gaztelaniaz) «Amaia de España, ganadora de Operación Triunfo 2017 - RTVE.es» RTVE.es 2018-02-06 . Noiz kontsultatua: 2018-02-06.
  2. (Gaztelaniaz) «Alfred, protagonista del romance más tierno de OT 2017» Lecturas . Noiz kontsultatua: 2018-02-02.
  3. «La pareja de moda de ‘Operación Triunfo’» La Vanguardia . Noiz kontsultatua: 2018-02-02.
  4. a b c d (Gaztelaniaz) Fernández, Eva La familia de Amaia Romero nos acerca a su lado más desconocido . Noiz kontsultatua: 2018-02-02.
  5. Méndez, Jesús Operación Triunfo: conocer el cerebro de Alfred a través del jazz . Noiz kontsultatua: 2018-02-02.
  6. (Gaztelaniaz) Doria, Javier (2018-01-27) «El éxito de Amaia en ‘Operación Triunfo’ no es una casualidad» El País ISSN 1134-6582 . Noiz kontsultatua: 2018-02-02.
  7. (Gaztelaniaz) «Amaia ya conquistó a Noemí Galera en el 'Cántame una canción' de Pilar Rubio» El Huffington Post 2018-01-15 . Noiz kontsultatua: 2018-02-02.
  8. (Gaztelaniaz) «Amaia Romero en Operación Triunfo» Rock Camp - El Primer Campamento Rock en España . Noiz kontsultatua: 2018-02-02.
  9. (Gaztelaniaz) «El debut de Amaia Romero ('Operación Triunfo') fue en 'El Número Uno'» Antena3.com . Noiz kontsultatua: 2018-02-02.
  10. Lemon y Tal (2016-09-29) Cicatrices de mi realidad - Lemon y Tal ft. Amaia Romero (En Clave y Amigos) (Ahora Lemon y Tal) . Noiz kontsultatua: 2018-02-02.
  11. «OT 2017: Los mejores momentos de la gala de estreno de Operación Triunfo» La Vanguardia . Noiz kontsultatua: 2018-02-02.
  12. (Gaztelaniaz) «Operación Triunfo: Amaia de OT hace a todos soñar con 'Al Cantar', pero no convence para Eurovisión - Marca.com» Marca.com . Noiz kontsultatua: 2018-02-02.
  13. (Gaztelaniaz) «Amaia Romero y Alfred García llevarán 'Tu canción' a Eurovisión - Republica.com» Republica.com 2018-01-30 . Noiz kontsultatua: 2018-02-02.
  14. (Gaztelaniaz) «Por qué tú también tienes que querer a Amaia aunque no veas Operación Triunfo» El Español . Noiz kontsultatua: 2018-02-02.
  15. a b c (Gaztelaniaz) (PDF) Top 100 canciones +streaming - Semana 49: del 1.12.2017 al 7.12.2017, . Noiz kontsultatua: 2018-02-02.
  16. (Gaztelaniaz) (PDF) Top 100 canciones +streaming - Semana 50: del 08.12.2017 al 14.12.2017.
  17. (Gaztelaniaz) (PDF) Top 100 canciones + streaming - Semana 01: del 5.1.2018 al 11.01.2018, . Noiz kontsultatua: 2018-02-02.
  18. a b (Gaztelaniaz) (PDF) Top 100 canciones + streaming - Semana 03: del 12.1.2018 al 18.01.2018, . Noiz kontsultatua: 2018-02-02.