Nahiz eta sarbideak irisgarriak izan, nasa eta trenaren arteko tartea dela eta Renfeko Aldirien geltokia ez da irisgarria. Arartekoak argitaratutako irisgarritasuna eta garrioaren ikerketa-diagnosiaren arabera, «Mugikortasun Urriko Pertsona erabiltzaileak ezin du modu autonomoan nasa eta unitate mugikorraren plataformaren arteko desnibela libratu, nasaren muturretik trenaren plataformara arteko tartea handiegia baita», eta «Burdinbide zerbitzuen eragileak ez dio Mugikortasun Urriko Pertsona erabiltzaileari bermatzen ibilgailutik igo edota jaistea.»[2]
Bilbao Ría 2000 erakundeak Trenbidearen Hegoaldeko Saihesbidea egitearekin batera Ametzolako geltokia eraiki zuen. Interbentzio horren helburuetako bat Irala eta Errekalde auzoen inguruan zeuden trenbide lursail handiak hirigune bihurtzea zen. Hala, trenbideek sortzen zituzten mugak desagertarazi nahi ziren, horien ordez pasealekuak eta berdeguneak eginez, hiria saretuz eta baita etorkizunean eraikiko zen Bilboko tranbiari bide emateko ere.
Garaian Ametzolan zama-garraioentzako geltokia besterik ez zegoen, lurgaina trenbidez josita zegoela. Gunea estali eta gainean Ametzolako parkea proiektatu zuen Javier López Chollet arkitektoak, 1998koirailaren 25ean ireki zena. Parkearen inguruan 900 etxebizitza eraiki ziren, hiriguneari jarraipena emanez. IMB arkitektura estudioak Ametzolako geltokia diseinatu zuen, bestibulu eraikin bakar batean Renfeko Aldirien eta Feveren tren zerbitzuak bilduz.[3]
Sarbide nagusia Gordoniz kalearen eta Burdinbidearen etorbidearen arteko gurutzaduran dagoen beira eta burdinezko eraikin batean dago. Barruan, maila ezberdinetan, Feve eta Aldirien nasak daude, non trenen zaratak ahultzeko sistema berritzailea instalatu baitzen. Maila bakoitzean izkineko bi nasa daude, zeinetatik bina trenbide pasatzen diren. Aldirikoen eta Feveren zerbitzuak banatzen dituen horman, Bizente LarrearenAmetzola izeneko eskultura instalatu zen.[4]
Gainera, zamak garraiatzen dituzten trenentzako trenbide saihesbidea ere eraiki zen, bidaiarientzako geltokiaren kanpoaldetik pasatzen dena eta Miribillako geltokiarekin lotuta dagoena.
Kanpoan, Trenbidearen etorbidean zehar, geltokiak argiztatzen dituzten argizulo serieak daude, horietariko serie bat, alegia, Feveren nasen gainean kokatzen dena, Ametzolako parkeko mugan dagoen aterpea ere sortzen duela.
Burdinbidearen etorbidetik jarraituz, 2003an Renfeko Aldirien nasetara heltzen den bigarren mailako sarbidea eraiki zen, eskaileraz zein igogailuz hornitua.[5]
8:30etan ADIFek kudeatzen duen trenbidean, Ametzolako geltokiaren ondoan, tunelaren estaldura katenaria gainera erori eta keak sortzen hasi zituen, segurtasun protokoloa aktibatuta, geltokia hustu eta aipatutako trenbide tartea zerbitzuz kanpo utzita. 9:45ak aldera zerbitzua berrezarri zen.[8]
Ametzola
Bizkaia
(Renfe Feve)
(Renfe Operadora)
Bilbo ↔ Santurtzi
Bilbo ↔ Muskiz
Bilbo ↔ Balmaseda
Bilbo ↔ Santander
Bilbo ↔ Leon
L4 linea
C-1 linea
Bilbo — Santurtzi: 1,400 kilometro-puntua
Gordoniz kalea / Burdinbidearen hiribidea
)
Datuak: Q3497373
Multimedia: Ametzola train station / Q3497373
