Ana Belén Elgoyhen

Ana Belén Elgoyhen
Bizitza
Jaiotza	Buenos Aires, 1959ko abenduaren 13a (64 urte)
Herrialdea	Argentina
Hezkuntza
Heziketa	Buenos Airesko Unibertsitatea
Jarduerak
Jarduerak	biologo molekularra eta ikertzailea
Enplegatzailea(k)	Johns Hopkins Unibertsitatea
Jasotako sariak	ikusi Emakumezko Zientzilarien L'Oréal-UNESCO saria (2008) ; John Simon Guggenheim Memorial Foundation beka (2003) ; Bernardo Houssay Award ; Fondation pour l'audition (2018) ; TWAS Prize for Biology (2011) ; Konex Award (2023) ;

Ana Belén Elgoyhen (Buenos Aires, 1959ko abenduaren 13a) argentinar zientzialaria, biokimikan doktorea eta UBAko farmakologia irakaslea eta CONICETeko ikertzaile nagusia da. ^[1] Entzumenaren oinarri molekularrak ulertzeko ekarpenak egin ditu.

Ekarpenak[aldatu | aldatu iturburu kodea]

Elgoyhenek entzumen biologiaren arloan funtsezko ekarpenak egin ditu. Ekarpen horiek entzumen osasunaren esparruan aurrerapenak egiteko balio izan dute. Bereziki, ekarpen garrantzitsuak egin ditu oso espezializatutako zelulek barne-belarrian aurrera eramaten duten soinu-estimuluen deskodetze-prozesuen ikerketan. Zehazki, prozesu horretan parte hartzen duten mekanismo molekularrak deszifratzen lan egin du.^[2]

Horrez gain, gorreriari lotutako geneen bilaketan lan egin du.^[3]

Bere ekarpenak entzumen galera, trauma akustikoa eta akufenoen oinarri fisiologikoek hobeto ulertzeko balio izan dute.^[2]

Ibilbidea[aldatu | aldatu iturburu kodea]

Ana Belen Elgoyhen 1959 urtean jaio zen Buenos Airesen(Argentinan). 1984 urtean Buenos Airesko Unibertsitate eta Salk Institutuko biokimikako ikastaroa bukatu zuen eta 1989 urtean unibertsitate berean biokimikako doktoretza lortu zuen. 1991 urtean Kaliforniako Salk Institutuan neurobiologia molekularreko laborategian post-doktoretza egiteko beka bat eman zioten.

1994an Elgoyhenek soinuen modulazioan parte hartzen duten eta soinuak ulergarri egiten dituzten belarri-hartzaileak identifikatu zituen.

Post-doktoretza amaitu ondoren Argentinara bueltatu zen.

Sariak[aldatu | aldatu iturburu kodea]

Ana Belen Elgoyhenek sari ugari jaso ditu eta bere aurkikuntzak munduko aldizkari garrantzitsuenetan argitaratu dira.^[4]

1997 eta 2011 urteen artean Howard Hughes institutuko Scholar Internazionala izan zen. 2003 eta 2004 urteen artean John Simon Guggenheim Memorial Foundationeko Fellowa izan zen.

2008an L'Oreal-Unesco "For Women in Science" saria irabazi zuen entzumenean oinarrizkoak diren molekulen funtzionamendua azaltzeagatik.

2012an Argentinako nazioaren ikertzaile titulua jaso zuen belarriaren genetika eta fisiologia ikertzeagatik.

2018an Scientific Grand Prize saria eman zioten Barne belarriaren funtzionamendurako eta entzuten dugun guztia modulatzeko oinarrizko bi proteina aurkitzeagatik.