Edukira joan

Ana Carolina

Wikipedia, Entziklopedia askea
Ana Carolina

(2012)
Bizitza
Jaiotzako izen-deiturakAna Carolina Souza
JaiotzaJuiz de Fora, 1974ko irailaren 9a (50 urte)
Herrialdea Brasil
Lehen hizkuntzabrasildar portugesa
Hezkuntza
Hizkuntzakportugesa
brasildar portugesa
Jarduerak
Jarduerakabeslaria, musikagilea, piano-jotzailea eta kantugilea
Genero artistikoamúsica popular brasileira (en) Itzuli
pop musika
rock
Ahots motakontraltoa
Musika instrumentuagitarra
ahotsa
gitarra akustikoa
pandeiro (en) Itzuli
DiskoetxeaSony Music
ana-carolina.com
IMDB: nm1653818 Facebook: anacarolinaoficial Instagram: sigaanacarolina MySpace: anacarolinacantora Spotify: 4HP9KltldfmkH2M2pQozzN iTunes: 140705285 Musicbrainz: f34f0700-1ae5-4b80-b506-252aeff31c71 Songkick: 127093 Discogs: 463040 Allmusic: mn0000026360 Edit the value on Wikidata

Ana Carolina Sousa (Juiz de Fora, Minas Gerais, Brasil, 1974ko irailaren 9a) abeslari, konpositore eta instrumentista da.[1][2][3][4][5][6][7]

Bizitza

[aldatu | aldatu iturburu kodea]

Bere musikaren eragina bere sehaskatik dator: bere amonak irratian abesten zuen, bere izeba-amonek perkusioa, pianoa, biolontxeloa eta biolina jotzen zuten. Ana Carolina Brasilgo musikaren ikonoak entzuten hazi zen, hala nola Chico Buarque, João Bosco eta Maria Bethânia; eta nazioarteko gustukoen artean Nina Simone, Björk eta Alanis Morissette zeuden.

Musika ibilbidea

[aldatu | aldatu iturburu kodea]

Nerabezaroan hasi zen abeslari ibilbidea, bere jaioterriko tabernetan. Musika lanbide bihurtzeko helburua zuenez, Anak Literatura ikastaroa utzi eta Rio de Janeirorantz abiatu zen. "Mistura Fina"ko ikuskizun batean, Luciana de Moraes (Brasilgo Vinícius de Moraes idazle ospetsuaren alaba) Sousaren ahots sakon eta melodikoarekin liluratu zen, eta BMGrekin kontratua sinatzera eraman zuen.

Horrela, 1999an, "Ana Carolina" CDa Brasil osoko publikoarengana heldu zen. CDa benetako artelana izan zen, MPBren klasiko zaharrak erreskatatu zituen ("Beatriz", "Alguém me disse" eta "Retrato en Branco e Preto" Chico Buarquerena) Lulu Santosen Popetik igaro zen ("Tudo bem") eta Ana Carolina konpositorea erakutsi zuen ("A cançao tocou na hora errada", "Trancado", "Armazém" eta "O Avesso dos Ponteiros"), eta Toronto Villeroyren konposizioak (Garganta, Tô saindo), gero bere bikote handia bihurtu zen konposizioetan. CD horren bidez Ana Carolina Latin Grammyrako izendatu zuten.

Bigarren diskoa, “Ana Rita Joana Iracema e Carolina” ere arrakastatsua izan zen. 2001ean argitaratua, diskoaren izena Chico Buarque abeslariaren abestiei dagokie, Meatzaldeko artistaren idoloa. Disko horrek abeslariaren sentsibilitate eta erreberentzia guztia agerian utzi zuen "Quém de nós dois" (Gianluca Grignaniren La Mia Storia Tra le Dita italiar arrakastatsuaren portugesezko bertsioa) eta "Ela é Bamba".

"Estampado" Ana Carolinaren hirugarren diskoa izan zen. CD horretan, bere lanaren originaltasuna baieztatzen zuten erritmoen nahasketa izan zuen. Abeslariak daraman nortasun sendoa eta nabarmena erraz antzematen zen bere egilearen hamahiru abestietan.

Ana Carolinaren laugarren diskoa bere lehen hiruretako abesti arrakastatsuen bilduma izan zen. "Ana Carolina (Perfil)"-k Ana Carolinaren arrakastarik handienak aurkeztu zituen, ordura arteko ibilbidea zehaztu zuten abestiekin. Hala, beste disko aipagarri bat kaleratu zuen Brasilgo musika herrikoiaren abeslari finkatuen artekoa.

2004ko Tom Acústico proiektuan, Ana Carolina eta Seu Jorge abeslariaren arteko ikuskizunak “Ana e Jorge: Ao Vivo” izeneko CD eta DVDa eman zuen, hurrengo urtean Sony Music diskoetxeak kaleratu zuena. "Munduan Ana Carolina asko daude, garrantzitsuenetakoa naiz ni” hauek izan ziren aktorearen hitzak eta harrera ona izan zuen publiko zein musika-kritikarien aldetik. "É isso aí" abestia Damien Rice irlandarraren Blower's Daughter ingees abestiaren portugesezko bertsioa, lehen postua lortu zuen Brasilgo irratietan. 2006ko abuztuan hasita, Ana Carolina Saia Justa saioko aurkezle taldean sartu zen, GNT katean. Musika arloko ordezkari bakar gisa abeslaria eta oroinstrumentista egoteak are interesgarriagoa egin zuen saioa.

Bere ibilbidean, Ana Carolinak sari asko jaso ditu; Horietako bat 2006ko Multishow saria izan zen, Abeslari Onenaren eta CD Onenaren kategorietan («Ana e Jorge» lanarengatik).

2006. urtearen hasieran, bere 6. diskoa kaleratu zuen, 'Dois Quartos', bi CDrekin, lehena 'Quarto' izenekoa eta bigarrena, 'Quartinho'. Horietan, abeslariak bere burua gainditzu zuen heldutasunean, sormenean eta, 'Madonna' estilorik onenean, ausardian, marra artean aurkeztuz, non gizonezkoen faloa aipatu zuen 'Cantinho', debekatutako irrikaz betetako letrekin. Eta baita "Eu Comi a Madonna" abestia, zeinetan emakume probokatzaileei buruz hitz egin zuen. Eta kaleratze borobila izateko, bere diskoari abisua eman zioten, 18 urtetik beherakoei ezezkoa emanez, bere letrak "desegokiak" zirelako.

2008ko irailean, "Dois Quartos" ikuskizunaren DVDa kaleratu zuen, eta abesti bakoitzerako egindako moldaketetan ikuskizunaren distira eta abeslariaren eta bere taldearen sormena erakutsi zituen.

2009an, Ana Carolinak hamar urteko arrakasta ospatu zuen bere ibilbidean. Hamar urte horiei omenaldia egiteko, 9 zenbakiarekin «neurotiko samarra» zela aitortu zuen, 9an (irailean) jaio eta 99. urtean hasi baitzuen bere ibilbidea, eta 09an 10 urteko ibilbidea bete zuenez, bere diskoak "Nove" izena izatea erabaki zuen (portugesez bederatzi).

"N9ve" disko berri horretan, Ana bere aurreko diskoetako pop-balada joeretatik aldendu egin zen eta disko lasaiagoa kaleratu zuen, moldaketa eta melodia leunez eta letra gero eta helduagoz betea. Arrazoia zera izan zen, Anak, konpositoreen lagunekin egindako bilera batean, Chiara Civello italiarra ezagutu zuela, Daniel Jobim abeslari eta konpositorearen laguna. Bilera horretan, denak gitarra eskuz esku pasatzen ari zirenean, Anak Chiarari galdetu zion ea argitaratu gabeko konposiziorik zuen. Taldearen konposiziora ohituta ez zegoen italiarrak ezetz esan zion. Baina hurrengo egunean, Chiara Anarengana joan zen eta buruan zuen abesti berri bat erakutsi zion. Horrelaxe sortu zen Ana eta Chiararen lehen konposizio bateratua: “Resta” abestia. Chiara Anaren kantu-idazle bikain berria bihurtu zen pop-mpb-tik tango elektronikora pasatzen zen disko horretarako.

Baina estilo ezberdinetako CD bat kaleratu ez ezik, bere ibilbidean hainbat artista garrantzitsurekin egindako bikoteen CD eta DVD bat ere kaleratu zuen: "Multishow ao vivo: Ana Carolina N9ve+1", Maria Bethânia, Zizi Possi, Angela Ro Ro, Luiz Melodia, Maria Gadú, Roberta Sá, John Legend, Esperanza Spalding, Seu Jorge, Gilberto Gil, eta aipatutako Chiara Civello.

Bizitza pertsonala

[aldatu | aldatu iturburu kodea]

2005eko urte bukaeran, abeslaria bisexuala zela esan zuen, eztabaida sortu eta zale berri ugari erakarriz. [8]

Diskografia

[aldatu | aldatu iturburu kodea]
Show da cantora Ana_Carolina no Cais de Santa Luzia, Angra dos Reis 2024.05.20

Estudioko albumak

[aldatu | aldatu iturburu kodea]
  • (1999) Ana Carolina
  • (2001) Ana Rita Joana Iracema e Carolina
  • (2003) Estampado
  • (2006) Dois Quartos
  • (2009) N9ve
  • (2013) #AC
  • (2019) Fogueira em Alto Mar

Konpilazio albumak

[aldatu | aldatu iturburu kodea]
  • (2005) Perfil: Ana Carolina
  • (2010) Perfil: Ana Carolina - Vol. 2
  • (2012) Mega Hits: Ana Carolina

Zuzeneko albumak

[aldatu | aldatu iturburu kodea]
  • (2005) Ana & Jorge (con Seu Jorge)
  • (2008) Multishow ao Vivo: Ana Carolina - Dois Quartos
  • (2009) Multishow Registro: Ana Car9lina + Um
  • (2011) Ensaio de Cores
  • (2015) #AC ao Vivo

Bideo-albumak

[aldatu | aldatu iturburu kodea]
  • (2003) Estampado(musika-dokumentala)
  • (2004) Estampado - Um instante que não pára
  • (2005) Ana & Jorge ( Seu Jorgerekin)
  • (2008) Multishow ao Vivo: Ana Carolina - Dois Quartos
  • (2009) Multishow Registro: Ana Car9lina + Um
  • (2012) Ensaio de Cores
  • (2015) #AC ao Vivo

Bakarka

[aldatu | aldatu iturburu kodea]
  • Elevador
  • É isso aí
  • Quem de nós dois ( Um Anjo Caiu do Céu telenobelako abestia)
  • Garganta
  • Ela é bamba
  • Encostar na tua
  • Uma louca tempestade (Senhora do Destino telenobelako abestia)
  • Nua - Tema de la telenovela Como uma Onda
  • Pra rua me levar
  • Nada pra mim
  • A canção tocou na hora errada
  • Rosas
  • Vai

Erreferentziak

[aldatu | aldatu iturburu kodea]
  1. ↑ «Ana Carolina - Biografía: música, letras, canciones, discos | Escuchar en Deezer» web.archive.org 2023-05-19 (Noiz kontsultatua: 2025-03-20).
  2. ↑ «Musica Popular Brasileira: Singers to watch » GOOD LISTENING » An appreciation of music selected by Martin Hester – See the Index» web.archive.org 2019-01-13 (Noiz kontsultatua: 2025-03-20).
  3. ↑ (Portugesez) «Potente, grave e inconfundível» www.gazetadopovo.com.br (Noiz kontsultatua: 2025-03-20).
  4. ↑ (Portugesez) «Ana Carolina» Dicionário Cravo Albin (Noiz kontsultatua: 2025-03-20).
  5. ↑ (Portugesez) «Ana Carolina e Seu Jorge retomam parceria após 10 anos; ouça música inédita» Música 2016-02-17 (Noiz kontsultatua: 2025-03-20).
  6. ↑ «Folha de S.Paulo - Crítica/MPB: Tensa, Ana Carolina busca dar vazão a hits de fim de ano em disco duplo - 22/12/2006» www1.folha.uol.com.br (Noiz kontsultatua: 2025-03-20).
  7. ↑ «Alice Caymmi se une a Ana Carolina para compor um amor descompassado; ouça ‘Inocente’, a primeira música do novo disco» web.archive.org 2017-12-07 (Noiz kontsultatua: 2025-03-20).
  8. ↑ Ana Carolina assume sua bissexualidade. 17/12/2005.

Kanpo estekak

[aldatu | aldatu iturburu kodea]
"https://eu.wikipedia.org/w/index.php?title=Ana_Carolina&oldid=10231938"(e)tik eskuratuta