Ana Malagon

Aldatu loturak
Wikipedia, Entziklopedia askea
Ana Malagon

Ahotsa
Bizitza
JaiotzaDonostia, 1978ko apirilaren 28a (45 urte)
Herrialdea Gipuzkoa, Euskal Herria
Jarduerak
Jarduerakidazlea
Lan nabarmenak
Genero artistikoakontakizun laburra
Literaturaren Zubitegia: 905

Ana Malagon Zaldua (Donostia, 1978ko apirilaren 28a) zerbitzu digitaletan aditua eta idazlea da.[1] Ikus-entzunezko Komunikazioa ikasi zuen Iruñan eta produktu eta zerbitzu digitalak diseinatzen ditu.[2]

Literatura ibilbidea[aldatu | aldatu iturburu kodea]

Samuraitasuna blog propioan idazten du.[3] Interneten hasi zituen mikroipuinak idazten eta internetetik papererako saltoa eman zuen 2014an[4], urte horretan bere lehenengo liburua argitaratu zuen.

Lasai, ez da ezer gertatzen, bere lehen obra blogean argitaratutako mikroipuinen bilduma da[5]. 160 mikroipuinek osatzen dute eta aniztasunean badu batasunik liburuak: giro urbano eta globaletan kokatuak dira eta.[6] Era berean narrazio labur gehienek bertsoen egitura dute, kolpea amaieran baitator.[7] Eta ironia ere oso presente dago ipuinetan.[4]

Bigarren liburua 2017an eman zuen argitara, Gelditu zaitezte gurekin, ipuin-liburua.[8] Bertan "Zaintza" kontzeptua[9] ardatz duen hamalau ipuinez osatutako liburu honetan, gure garaiko jendartearen isla bihurtzen da[10] eta ipuin errealistak direla esan daiteke.[11] 2021ean argitaratu zuen hurrengo ipuin bilduma, Ez dakit zertaz ari zaren.

Ana Malagonek prentsan idazten du tarteka, hala nola, Hirutxuloko Hitza eta Berrian.[12][13]

Wroclawko (Polonia) kontakizun laburren jaialdia, Opowiadania International Short Story Festival jaialdian, parte hartu du 2019an.[14]

Lan zerrenda[aldatu | aldatu iturburu kodea]

Lasai, ez da ezer gertatzen
Audioa
Datuak
IdazleaAna Malagon
Argitaratze-data2014
GeneroaMikroipuinak
ArgitaletxeaElkar

Sariak[aldatu | aldatu iturburu kodea]

Gipuzkoako Liburudenden Elkarteak ematen duen Zilarrezko Euskadi Saria eman zioten Ana Magaloni 2022an, Ez dakit zertaz ari zaren ipuin bildumagatik.[15] Saria jasotzeko ekitaldia azaroaren 9an egin zen, Donostiako liburudenda batean, eta idazlea bertan egon zen, saria jasotzen.[16]

Erreferentziak[aldatu | aldatu iturburu kodea]

  1. ↑ «literaturaren zubitegia - Ana Malagon» zubitegia.armiarma.eus (Noiz kontsultatua: 2020-05-08).
  2. ↑ Ana Malagón Zaldua: letra txikiaren handitasuna. Noiz kontsultatua: 2017/03/25
  3. ↑ Samuraitasuna. Noiz kontsultatua: 2017/03/25
  4. ↑ a b POSTdatan elkarrizketa. .
  5. ↑ «"Errazago identifikatzen gara miseriarekin istorio alai-alaiekin baino"» Argia (Noiz kontsultatua: 2020-05-08).
  6. ↑ Egaña, Ibon. «Gertatzen dena» Deia (Noiz kontsultatua: 2018/04/27).
  7. ↑ Alvarez Uria, Amaia. I’m a loser baby. (Noiz kontsultatua: 2018/04/27).
  8. ↑ Unanue Irureta, Maialen. Leialtasunetik zaintzara Berria. Noiz kontsultatua: 2017/03/25
  9. ↑ 111 Akademian elkarrizketa. (Noiz kontsultatua: 2018/05/04).
  10. ↑ Alvarez Uria, Amaia. Talentu, adikzio eta arazo psikologikoak. (Noiz kontsultatua: 2018/05/04).
  11. ↑ Ayerbe, Mikel. «Gelditu beharrekoak» Berria (Noiz kontsultatua: 2018/05/04).
  12. ↑ «'Hau ere pasako da', Ana Malagon» Irutxuloko Hitza 2020-04-23 (Noiz kontsultatua: 2020-05-08).
  13. ↑ Malagon, Ana. «Ana Malagon» Berria (Noiz kontsultatua: 2020-05-08).
  14. ↑ (Ingelesez) «Ana Malagón participa en el festival relatos cortos de Wroclaw» www.etxepare.eus (Noiz kontsultatua: 2020-05-08).
  15. ↑ Ez dakit zertaz ari zaren. Elkar Argitaletxea (Noiz kontsultatua: 2022-11-10).
  16. ↑ «Zilarrezko Euskadi Sariak jasoko dituzte Ana Malagonek eta Delphine de Viganek» www.kulturklik.euskadi.eus 2022-11-08 (Noiz kontsultatua: 2022-11-10).

Kanpo estekak[aldatu | aldatu iturburu kodea]

"https://eu.wikipedia.org/w/index.php?title=Ana_Malagon&oldid=9631414"(e)tik eskuratuta