Anakin Skywalker

Wikipedia, Entziklopedia askea
Jump to navigation Jump to search

Anakin Skywalker (lagun eta senideen artean Ani bezala ere ezaguna), beranduago Darth Vader, George Lucasen Star Wars filme saga ospetsuko fikziozko pertsonaia nagusia da. Saga indarraren bere ezagutzan, bere Alde Ilunerako erorketan eta, azkenik, bere berrerospen eta heriotzean zentratzen da. Sagako lehen hiru filmeetan antagonista nagusi bezala agertzen da, Darth Vader (David Prowsek antzeztua James Earl Jonesen ahotsarekin) eta, azkenik, Star Wars VI. Atala: Jedi Zaldunaren Itzulera filmean Sebastian Shaw aktoreak antzezten du, mozorroa kentzen duenean. Prekuela den trilogian Jake Lloyd aktoreak antzezten du 9 urteko haur bat bezala Star Wars I. Atala: Mamu Mehatxuan eta Hayden Christensenek II. eta III. Atalean.

Anakin Jedi zaldun bihurtzen den haur bat da, eta gero, bere emaztea den Padmé Amidala salbatzeko sithekin elkartzen da Darth Vader bezala. Luke Skywalker eta Leia printzesaren aita da.

Historia[aldatu | aldatu iturburu kodea]

"Anakin Skywalker" izeneko pertsonaia bat agertzen da Star Warsen lehen zirriborroetan ondoren Luke Skywalkerrek izango zuenaren antzeko paper bat betetzen, gerlari errespetatuaren 16 urteko semea den mutiko bat. Mamu Mehatxurako George Lucasek Anakin Skywalkerren adina 16 urtetik 9ra aldatu zuen pertsonaia bere amari lotuago egon zedin.

Sorrera eta kontzeptuak[aldatu | aldatu iturburu kodea]

Darth Vaderren irudia Ralph McQuarrie artista kontzeptualak Vaderrek eta bere stormtrooperrek Tantive IV untzi errebeldea abordatzen duten lehen eskena marraztu zuenean sortua izan zen.

Pertsonaiaren arnasaren soinu ospetsua Ben Burtt soinu ingeniariak sortu zuen, soinua bere burua snorkel batetik arnasa hartzen grabatu zuenean.

Vaderren jantzia da George Lucasek japoniar kulturagatik (batez ere samuraiengatik) zuen interesa agerian geratu zen arloetako bat izan zen. John Molloren arabera, Vaderren kaskoa Bigarren Mundu Gerrako alemaniar kaskoetatik hartua izan zen.